US LA VAL
 
 
     
 

La Val ti cuarti dla Copa Provinzia

Stampa PDF

copa2012In mercui ai 19 de Otober él gnü sughé le ritorno dl 2° turno de Copa Provinzia 2011/2012 de  3° categoria por La Val. La partida é gnüda sugada indô cuntra le Gais fora de ćiasa, sön en campo rî y ulache les condiziuns dl tëmp ne é nia stades ideales. Mo dô la vitora te ćiasa por 3 a 2 é jüda la scuadra a Gais por passé le turno.

La scuadra da Gais se á prejentè cun na gran convinziun da passè le turno, ince por i dui goi che ai é stá bugn da fá al andata (dô che La Val é jüs in vantaje por 3 a 0). Mo la scuadra da La Val á mustré na gran grinta y cun na partida dër combatüda esi stá bugn da portè a ćiasa en pareggio por 0 a 0. Cun chësc pareggio passa La Val le turno y röia ti cuarti, che gnará sugá de Mërz 2012, denant che le ritorno meti man.


Chësta partida é ince gnüda sfrutada por lascè sughé en pü i sogadusc che ne á nia podü sughé tröp cina sëgn te campionat y ince por lascé sughé i sogadusc che é stá fora por infortuni o por atres cosses. Mo ince sce al ê deplü sogadusc nüs á metü man bun la partida. Bel ti prüms menüć él La Val che podess jí cuntra porta, mo le arbiter fischia dui fuorigiochi che ne foss nia stá. Spo él Florian che röia cuntra le portier, al é bun da fa passé dlungia ia la pala, le portier va total sön le mandl y maza jö Florian. Al foss sté rigore netiscimo cun la cherta cöcena por le portier dl Gais, mo le arbiter ne fischia nia. La scusa dl arbiter é stada che al ne á nia udü l'aziun.

Püch dedô él Alex E. che se porta tl area, sön en bel passaggio filtrante de Freddy. Al é bun cun na bela moscia de dribbling da rientre, mo le difensur le sciüra indô jö portera cun les mans, ince in chësc iade él le arbiter che ne ti dá nia le rigore netiscimo. La Val süga na bela partida, mo datrai falel indô la prezijiun por l' ultimo passaggio ai atacanć, che podess insciö jí cuntra le portier.


Mo a mesa le prüm tëmp é le Gais che á na gran oportunité. En atacant se acentrëia ite y dá jö na bela pala in profondité. I defensursc da La Val mina che al é fuorigioco y stá chić. Mo le arbiter lascia jí inant la partida. Le atacant se prejentëia dan Sepl da sú. Cun en gran tiro él bun da superé le portier, mo la pala röia bel avisa sön la traversa, jö sön la riga y fora. Na gran furtüna por La Val, che á insciö evité le 1 a 0.


L' prüm tëmp se stlüsc jö sön le 0 a 0. Tl secundo tëmp vëgn le Gais cun na gran grinta te campo. La Val ne é nia plü cis bugn da gní fora cun la pala sön le pé, porchël proi cun contropiedi da jí a fa gol. Mo la scuadra é massa destacada. Tl secundo tëmp é le portier da La Val (Sepl) che fesc en per de beles parades y uscites. Che ti dá insciö na gran trancuilité ai defensursc.


Tl secundo tëmp é La Val che vëgn en pü stanć y ti lascia deplü spazi ai aversars. La Val se stënta en pü da gní sö cun la scuadra. Porchël proi da jí a fa gol cun contropiedi, mo chël é ince en pü rî, deache la scuadra é bimbo destacada.
Sepl le portier da La Val, fesc en per de beles parades y uscites, che ti dá insciö na gran sigurëza ai defensurs dô ia. A mesa le secundo tëmp él Micky che fesc prësc en eurogol. Sön na puniziun dlungia le fallo laterale, tirel en gran tiro de potënza. Düć mina che la pala vá fora, mo spo ojera jö cuntra le incrocio lunch. La pala röia bel avisa tl incrocio dla porta, foss stè en beliscimo gol. Di ultimi 20 menüć dla partida vëigun che Gais vëgn ince tres plü stanć, ai mët man da sbaglié deplü passaggi. Insciö é bugn La Val da portè a ćiasa le pareggio, che ti scinca insciö i cuarti.



La foramziun titolara: Sepl Kantioler, Valentin Elmar, Alton Alex, Tavella Jordan, Castlunger Marco, Sottara Stefan, Sottara Freddy, Rubatscher Romeo, Verginer Franzi, Elzenbaumer Alex y Rubatscher Florian

Sostituziuns:

Frenes Micky por Sottara Freddy

Miribung Adrian por Elzenbaumer Alex

Sottara Werner por Verginer Franzi

 

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©