US LA VAL
 
 
     
 

10° partida camp. 2011/2012 por La Val

Stampa PDF
3.cat2011_2012In dumënia ai 06 de Novëmber él gnü sughé la decima y penultima partida dl andata dl campionat 2011/2012 de  3° categoria por La Val. La partida é gnüda sugada te ćiasa cuntra la scuadra da Percha, che ne é mai stá cis aversars na se fá saurí. Percha é te tlassifica al bun 3° post, mo degügn ne á ćiamò capí sciöche ai a fat da ruvé tan inant, suradüt cun le bur sughé che ai á. Mo in chësc ann ti eres jüdes dütes cantes bunes.

Bel avisa porchël é jüda la scuadra da La Val convinta te campo, fajon na buna partida, suradüt dla pert defensiva. Bel da mët man dla partida an cunesciü che le Percha ne á nia cambié sistem de jüch. Düt ma en "canunamënt" di defensurs sö ai atacanć.  Porchël an atira capí che al foss stè na partida burta, suradüt dla pert di tifiosi che é gnüs a ciaré pró.
Ti prüms menüć dla partida é La Val atira prigorosa. Sön en bel cross de Micky dala fascia ite, röia le pal sön le secundo palo, Florian stachëia sö bel da sú, mo le colp de testa röia bel avisa tles mans dl portier dl Percha. Püch dedô él Romeo che pro da fá en eurogol, sön en rinvio sbaglié dl portier cun i pügns, röia la pala püch fora dla lunetta dl centrocampo. Romeo ne pënsa nia sura dui iadi y tira en bel tiro al volo che röia de püch dlungia le palo lunch ia. Dopo el la partida che se stüda ia, le Percha ne é mai prigorusc, al vëgn ma plü lancè. La Val se adeguëia ince bel plan a chësc bur jüch, mo dô la mesora é Florian che é bun da trá fora en bel rigore. Al é bun da dribbeln en defensur te area, spo canche al vá dlungia ia vëgnel mazè jö te area. Insciö mëss l'arbiter fischié le rigore. Florian se prejentëia sön le ünesc y spiazëia le portier. Le prüm tëmp se stlüsc jö sön le 1 a 0 por La Val.

Tl secundo tëmp é la paritda en pü da stufé por i tifosi y por la cualité dl jüch. Le Percha é ma bun da trá fora en per de puniziuns fora dl'area, mo degun tiro ne abina gnanca la porta. Ince sön i calci d'angolo ne esi nia prigoriusc. La Val podess spo a mesa le prüm tëmp stlü jö la partida. Ivan röia jö sön le fondo spo fejel ite en bel cross, Romeo é bel da sú dan porta, mo la pala röia bel avisa sön na altëza danter le scnedel y le pé, insciö ne él nia bun da trá bel la pala, che vëgn deviada spo fora sön le rigore, spo röiel adalerch Franzi che éss ma albü bria da atuché la porta. Mo al röia sön la pala en pü scordiné y cun en controbalzo dl pal, tirel sura porta fora. Na gran oportunité nia sfrutada por La Val.

Insciö é La Val che mëss ćiamò defëne le risultat cina ala fin dla partida. Le Percha pro te vigni maniera da fá gol mo ai ne é nia prigorusc, insciö se röia la partida sön le 1 a 0 por La Val.


Cun chisc trëi punć davagná resta La Val al 4° post mo da susc, le Percha che é al 3° post é ma plü 2 punć dan da La Val.


La formaziun titolara: Kantioler Sepl, Castlunger Marco, Alton Alex, Tavella Jordan, Tavella Thomas, Frenes Daniel, Sottara Stefan, Rubatscher Romeo, Tschaffert Ivan, Frenes Micky y Rubatscher Florian.


Sostituziuns:

Verginer Franzi por Frenes Daniel

Elzenbaumer Alex por Frenes Micky



Por udëi i atri resultać drüca (ince di atri campionać ulache sogadusc da La Val süga para) drüca: resultać
 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©