US LA VAL
 
 
     
 

Ultima partida andata campionat 2011/2012 por La Val

Stampa PDF
3.cat2011_2012In dumënia ai 13 de Novëmber él gnü sughé l'ultima partida dl andata dl campionat 2011/2012 de  3° categoria por La Val. La partida é gnüda sugada fora de ćiasa cuntra la scuadra da Aicha, che é prüma te campionat y che á fat i plü goi te ćiasa. Porchël savô bel i soadusc da La Val che al ne foss zigü nia stè na partida saurida.
Le campo da Aicha é en campo bimbo pice suradüt dla larghëza. Porchël él bel gnü splighé dan la paritda da mëter averda sön les rimesses di aversarsc, che cun les rimesses lunges cina a mesa area esi três stá prigorusc, suradüt sön en te pice campo. Chëstes indicaziuns é zigü stades de aiüt por chi da La Val che é stá bugn insciö da portè a ćiasa en punto cun en bel pareggio de 0 a 0. Mo ciaran zoruch ala partida sciöche ara é jüda ess ince La Val podü porté a ćiasa na vitoria.
Da mëter man dla partida á La Val adoré naota en per de menüć por se ausé ite al campo strënt. Insciö él stè na burta partida tl prüm tëmp, suradüt ite a mez ulache ara ne jê nia da sughé bel, deache an â atira en aversar sön la pala. Tratan düt le prèm tëmp ne á messè i dui portiers fá gnanca na parada. L' unica oportunité grana é sté La Val che á albü dô na mesora. Frenes Michael ciafa na bela pala püch fora de area, mo magari impede trá al volo, se tirel inant la pala. Al röia insciö ćiamó en defensur dô ia che le tëgn te en brać y insciö Micky se sbilanciëia y ne e nia plü bun da trá te porta. En rigore che an éss pudü fischié, mo le arbiter ne á nia fischié. Le prüm tëmp se stlüsc jö sön le 0 a 0.

Tl secundo tëmp é le jüch en pü plü bel, deache trames döes les scuadres ó purvé da davagné. La prüma gran oportunité a Aicha. Sön en bel cross é en atacant bel da sú tla picia area, mo por fortüna sbagliel le control de piet y insciö é Sepl che é bun da abiné la pala. Püch dedô é Florian che röia in profondité sön en bel lancio di centrocampisć. Al é bun da se portè inant la pala spo fejel en bel tiro bas, mo le defensur é bun da blochè la pala cun na bela scivolata. En bel colp de testa de Romeo röia ince depüch dlungia le palo ia. Ala fin dla partida é La Val che röia gonot dan l'area, mo al fala la prezijiun dl ultimo pasaggio. Insciö se stlüsc jö la partida sön le 0 a 0. En bun punt concuisté por La Val.



Cun chisc trëi punć davagná resta La Val al 4° post te tlassifica.


La formaziun titolara: Kantioler Sepl, Castlunger Marco, Alton Alex, Tavella Jordan, Tavella Thomas, Frenes Daniel, Sottara Stefan, Rubatscher Romeo, Tschaffert Ivan, Frenes Micky y Rubatscher Florian.


Sostituziuns:

Verginer Franzi por Frenes Micky

Elzenbaumer Alex por Frenes Daniel



Por udëi i atri resultać drüca (ince di atri campionać ulache sogadusc da La Val süga para) drüca: resultać
 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©