1. Gara Südtirolcup: U.S. La Val iadi 3
Pro la prüma gara dl “Südtirolcup 2012” á davagné i atleć da La Val pro les ëres, ëi y la tlassifica por scuadres.
Por Daniela Erlacher (U.S. La Val) che è gnüda zoruch indô dô da 2 agn sön pista, ne podora bëgn nia jí damí. Ara é stada la plü ascvelata pro les ëres. Ara á batü la concorënza cun en tëmp de 01:28:92 y á insciö ince metü sö le nü record dla pista por les ëres.
Pro i ëi él indô stè Diego Tschaffert (U.S. La Val) che á dominé cun la secunda devënta dô fila. Cun en tëmp de 1:25:57 al ince vël metü sö en nü record dla pista por i ëi.
Pro i amateure II á Alton Tone portè a ćiasa en bun terzo post. Ince Miribung Carlo á indô mostrè pro süa categoria amateure I na buna gara, cun en bel secundo post.
Ince la tlassifica por scuadres è jüda a l’ U.S. La Val. Suradüt cun les döes bunes gares de Diego y Daniela é ruvada la scuadra da La Val al prüm post dan chi dl AVS Latzfons.
La secunda gara dl Südtirolcup gnará fata ai 29 de Jená a Lüsen, ulache al gnará ince dé ia i ultimi posć por se cualifiché ales “Europameisterschaften”.
Por udëi les tlassifiches plü avisa drüca:
2012_1.SC_Rennen_Ulten_Kategorien.pdf
