US LA VAL
 
 
     
 

1° partida di cuarti dla Copa Provinzia 2012

Stampa PDF

copa2012Dô avëi batü le Gais ti otavi dla Copa Provinzia á La Val sughé l'andata te ćiasa cuntra la scuadra da Laugen, che é secundi te so girone dl campionat 2011/2012. La partida é gnüda sugada in sabda ai 10/03/2012. La Val é stá bugn da fá en pareggio, 0 a 0.

Ince sce ai ess merité da davagné, mo Laugen cun süa buna difesa y portier (te campionat se ai ma ciafè 9 goi) é stá bugn ince cuntra La Val da se defëne dër bun. Tl prüm tëmp ne él stè prësc degünes gran oportunitês da fá gol, sides dl La Val co dl Laugen. An á atira udü che i sogadusc dl Laugen â na buna difesa y ciarâ da se stlüje ite. Scunè de scunai gnanca nia, bel ti prüms menüć an udü de burtes entrates sön i sogadusc da La Val. Mo l'arbiter á stentè da trá fora i cartellini. La partida é tres stada tles mans dla scuadra da La Val. Da mëter man dl secundo tëmp se á fat mé le zentral dla difesa Paolo Vallazza, sön en burt scontro tl aria. Inscö á le alenadú Scalzini messè cambié sö en pü la scuadra. Mo chësc ti á ma fat bun, cun i sogdusc nüs á la partida cambié ritmo. Al é atira salté fora deplü ocajiuns.

La plü grana á zigü albü Rubatscher Florian, sön en bel passaggio dala fascia él ruvé cuntra la pala, so bel tiro de prüma y de potënza é stè bun le portier dl Laugen cun en miracul da parè. Ince Alex Elzenbaumer á albü la pala dl vantaje, sön na distraziun dla difesa él bun da concuistè le pal y jí dlungia le portier. Mo al röia jö sön le fondo cun en tocco prol ćiamò da devié la pala te porta mo bel avisa dailò röia en defensur sön la riga y é insciö bun da salvé le gol. Deplü bi tiri fora dla area é ince gnüs da Ivan, Freddy y Micky mo la pala o che ara gnê ribatüda da en defensur o che le portier la para. La partida se á insciö stlüsc jö sön le 0 a 0.

L'important é che le Laugen ne á nia fat en gol fora de ćiasa, insciö pó jí La Val proscima sabda cun en pice vantaje al ritorno a Laugen.


La foramziun titolara: Sepl Kantioler, Tavella Jordan, Alton Alex, Vallazza Paolo, Castlunger Marco, Tschaffert Ivan, Sottara Stefan, Rubatscher Romeo, Frenes Daniel, Frenes Michael y Rubatscher Florian

Sostituziuns:

Sottara Freddy por Vallazza Paolo

Verginer Franzi por Frenes Michael

Elzenbaumer Alex por Frenes Daniel


 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©