US LA VAL
 
 
     
 

La Val te semifinala

Stampa PDF

copa2012Dô le pareggio de 0 a 0 dl andata cuntra la scuadra da Laugen (che é secundi te so campionat) é stada buna La Val da davagné 0 a 1 fora de ćiasa. Insciö röia La Val tla semifinala, les combinaziun tla semifinala vëgn ćiamò chirides fora plü inant. L' andata sará ai 24.04.2012 y le ritonro ai 09.05.2012.

Cun en "eurogol" de Sottara Stefan esi bugn da davagné la partida.

Bel sciöche le campo de Laugen ciarâ fora an atira capí che al foss stè na burta partida. An po sceco dí che al é gnü sughé sön en  ćiamp da soni. Porchël se á ince stentè La Val da fá so jüch. Ara ne jê prësc gnanca da fa üna n' aziun zënza che le pal rimbalzas mal. Tratan le prüm tëmp á purvè La Val cun en per de aziuns in profondité da fá gol, mo tratan les aziuns el três stè le pal, o en stop sbaglié por via dl rimbalzo dl pal, che á archité sö l' aziun. L'unica oportunité dl Laugen é stada dl prüm tëmp sön calcio d'angolo. Sepl Kantioler é stè bun cun na gran parada da parè na bela testa che foss zënzater jüda te porta. Mo al é ma stè bun da aziché la pala, insciö por furtüna é ćiamò stè bun Sottara Werner sön la riga da trá demez le pal. Le prüm tëmp se á stlüt jö sön le 0 a 0, na burta partida.

Tl secundo tëmp é La Val che fesc plü druc. Insciö garetel en per de aziuns. Sön na bela aziun jö por la fascia röiel ite en bel cross püch fora dl area, le defensur ne röia nia sön la pala. Stefan zënza ponsè dô tirel al volo en gran tiro, che röia bel avisa sön le palo lunch, ulache al röia spo te porta dô avëi atuché le palo. Le portier ne á degüna chance da le parè. En "eurogol" de Stefan che ti porta le pasaje dl turno ala scuadra da La Val.

Püch dedô el Romeo che á l'oportunité da stlü jö la partida. Ivan Tschaffert dô na bela combinaziun cun Freddy röia jö sön le fondo, spo mëtel ite en pal d' or sön le rigore, ulache Micky y Romeo é bi susc. Mo bel avisa denant che Romeo ó trá te porta abinel na büja dl campo le pal y se alza. Le tiro röia spo sura traversa fora. Chësc ess zigü stlüt jö la partida. A mesa le secundo tëmp vëgnel spo espulso le portier dl Laugen deache al é gnü fora dl area y á trat demez le pal cun la man. Insciö resta Laugen ma plü in 10 y La Val po cuntrulé la partida cina che l'arbiter sciüra la fin. Püch dan la fin fossl ćiamò stè en gol por La Val che le arbiter ne á nia dè. Le portier dl Laugen (sogadü che é gnü cambié ite) ne se capësc nia cun en só defensur. Spo garetel na paperada, le pal cogora bel plan ite te porta, mo le arbiter ne dá nia gol. Le pal foss stè zigü 25 cm da ite dala riga. Ala fin an udü che Laugen é gnüs tres plü nervösc y l' arbiter á trat fora deplü gheles. I sogadûsc da La Val é stá plü furbi y ne á cuaji mai protestè cuntra l' arbiter, insciö se a stlüt jö la partida sön le 0 a 1 por La Val.


 

La foramziun titolara: Kantioler Sepl, Tavella Jordan, Alton Alex, Sottara Werner, Castlunger Marco, Tschaffert Ivan, Sottara Stefan, Sottara Freddy, Rubatscher Romeo,  Frenes Michael y Rubatscher Florian

Sostituziuns:

Elzenbaumer Alex por Frenes Micky

Miribung Adrian por Rubatscher Florian

 

 

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©