US LA VAL
 
 
     
 

1° part. ritorno 2012 por La Val

Stampa PDF
3.cat2011_2012In dumënia ai 25 de Merz él gnü sughé la prüma partida dl ritorno dl campionat 2011/2012 de  3° categoria por La Val. La partida é gnüda sugada te ćiasa cuntra la scuadra da Raas, che ê 4 punć dô la scuadra da La Val.
Por La Val che é ruvá te semifinala de Copa Provinzia, ne era nia jüda cis bun la prüma partida dl ritorno de campionat. I trëi punć é jüs chësc iada ai aversarsc che á batü la scuadra da La Val por 2 a 3.
La Val se á magari taié ti dëić en pü da susc. Bel dô da na mesora essi podü stlü jö la partida cun deplü ocajiuns nia sfrutades.

Püch dô che l'arbiter á fischié l'inizio se porta Florian sön le fondo, impede passé ite a mez ulache al foss stè da susc Micky y Romeo al purvè da trá te porta da na angolaziun cuaji imposcibla. Püch dedô ti garetel indô a Florian la medema situaziun dô en bel inserimënt, indô proel le tiro impede passè ite a mez. En pü massa egoism lascia insciö la partida sön le 0 a 0. Mo La Val á tres ćiamò la partida tles mans. Dô da na mesora ti garetel le gol al Raas sön la prüma desconcentraziun. Al röia la pala tl piz ulache Romeo é bel sú, sön la ribatüda röia le pal bel avisa al atacant sön i pîsc. Cun en gran tiro de potënza da lunć el bun da fá gol, Sepl röia ćiamò sön le pal mo la deviaziun ne é nia buna da destudé jö le gran tiro dl Raas.

Püch dedô el spo La Val che fesc le pareggio. Daniel Frenes sön en bel passaggio de Freddy röia jö sön le fondo, le portier vëgn fora y Daniel passa ite a mez ulache Romeo mëss ma plü apogé te porta. Le prüm tëmp se stlüsc jö sön le 1 a 1.

Tl secundo tëmp él La Val che se mostra indô. En gran tiro de Micky püch fora dl area atoca bel avisa la traversa, en bel tiro che ess mirité deplü. Dô da 20 menüć vëgnel sciuré fora Freddy por soma de amoniziuns. Insciö resta La Val in 10 por la fin dla partida. Mo al ti gareta impó ćiamò le 2 a 1 a La Val. Na gran poniziun de Florian röia bel sura la bariera fora y tl incrocio dla porta. Püch dedô sön en contrasto de cé cun Stefan se fesc mé en sogadú dl Raas, al mëss ince gní mené dmez cun l'ambulanza, por na fratura sura l'edl.

La Val se lascia magari en pü massa dô fora ala fin dla partida. Sön en falo scinché ai aversarsc röia la pala te area ulache al é na mischia, La Val ne é nia bugn da trá demez la pala, insciö röia en atacant dl Raas ala conclujiun püch dan porta, la pala röia te porta. Insciö abina indô i aversarsc La Val sön le 2 a 2. La partida röia en pü fora dles mans al arbiter al jora na ghela indolatra. Püch dan la fin dla partida ti garetel al Raas spo le gol dl k.o. por La Val. Sön en bel lancio de en defensur se porta l'atacant dl Raas cuntra Sepl y mët la pala sön le prüm palo. Insciö se porta le Raas i 3 punć a  ćiasa.

Por La Val él stè sciode deache ai éss albü la poscibilité da stlü jö la partida bel tl prüm tëmp.


Cun chisc trëi punć lascia sön trú toma La Val zoruch al 6° post.

 

 

 

La formaziun titolara: Kantioler Sepl, Castlunger Marco, Alton Alex, Tavella Jordan, Sottara Werner, Frenes Daniel, Sottara Stefan, Sottara Freddy, Rubatscher Romeo, Frenes Micky y Rubatscher Florian.

 

 

 

 

Sostituziuns:

Verginer Franzi por Frenes Daniel

Elzenbaumer Alex por Frenes Micky

Tavella Thomas por Sottara Werner


 

 

Por udëi i atri resultać drüca (ince di atri campionać ulache sogadusc da La Val süga para) drüca: resultać
 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©