US LA VAL
 
 
     
 

Reuniun generala 2012

Stampa PDF

onoranza_diegoL’Uniun Sport Amatoriala á tigni ai 24 de merz süa reuniun generala anuala dô da en ann de laur dl comité nü. La reuniun generala é stada na ocajiun por ćiarè zoruch al’ativité dl ann passè y por portè dant le program preodü por l’ann corënt.

Le presidënt Alex Alton á danfora saludé i mëmbri che tol pert ala reuniun por passè spo a tratè l’ordin dl dé. Ala fin dl ann passè pò la uniun mostrè sö 162 scrić ite, de chisc é le 40% sot ai 20 agn.

An é spo passá al’aprovaziun dl cunt consuntîf y dl bilanz de previjiun. Tla relaziun söl’ativité à le presidënt y i caposeziuns referí söles ativitês desvalies. La seziun cun la maiú ativité é chëra dl jüch dl palé. Le numer di sogadus che tol pert ai campionać é de passa 50. Chësta seziun á inće les maius spëises, che pò ma gní curides cun l’aiüt di sponsors. Te chësta ocajiun él gnü ringrazié dütes les firmes che sostëgn la Uniun. Ringrazié él inće gnü i alenadus y acumpagnadus dles scuadres di mituns, che rapresentëia le dagní dla Uniun. L’ativité cun i mituns y jogn á porchël le pëis prinzipal tl program dl’uniun.

Pro la seziun dla lüsa él stè le caposeziun Helmuth Deiaco ch’á portè dant i punć pinzipai dl’ativité. Al á portè dant i mius plazamënć arjunć chësc ann y l’ann passé dai atleć da La Val. Da recordé el le gran plazamënt de Diego Tschaffert che è deventé campiun d’ Europa.

Pro les ativites desvalies él gnü recordè i cursc organisá, a chi ch’al á tut pert passa 150 partezipanć. Dër aprijá é gnüs i cursc por mituns, danter i atri le curs de schi, da nudè y le program sportîf da d’isté. Inće chisc gnará sambëgn indo organisà chësc ann.

En pice punt è ince jü ala picera atleta Tolpeit Valentina che vá cun i schi pro le Sciclub d’ Al Plan. Valentina á portè a ćiasa de buniscimi resultać.

L’ombolt Franz Complojer á ince tigní en pice discurs suradüt por ciche reverda la rivalutaziun dla zona sport de Plans. Sëgn naota gnaral studié jö la cosa da en geologe, spo udaran sciöcha ara podess jí inant. L’ombolt à spo ringrazié i funzionars dl’Uniun por le laur che vëgn fat dantadüt por i mituns y jogn. Inće le presidënt á ringrazié l’ombolt por le sostëgn finanziar che vëgn vigni ann conzedü dal comun ala uniun, sides por l’ativité ordinara sciöche inće por i desvalis investimënć che vëgn fać.

Ala fin ti él ćiamò gnü surandé en pice record al neo campiun d’ Europa Diego Tschaffert.

 

Dô la reuniun á i partecipanć pudü se mangé val e se bere val.

 

Por ciaré ala prejentaziun drüca sön le link in injunta: prejentaziun

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©