US LA VAL
 
 
     
 

2° part. ritorno 2012 por La Val

Stampa PDF

3.cat2011_2012In dumënia ai 01 de Aurí él gnü sughé la secunda partida dl ritorno dl campionat 2011/2012 de  3° categoria por La Val. La partida é gnüda sugada fora de ćiasa cuntra la scuadra da Neustift, che á batü i prüms da Aicha l'ultima partida.

Por La Val ne ora sceco nia ester te campionat. Ince cuntra Neustift mëss La Val jí a ćiasa cun les mans ötes, purdon 3 a 0. Insciö sâral bimbo rî che La Val pois ćiamò se sughé fora i prüms dui posć dl campionat. Mo la speranza resta, deache tl calcio ne san mai. La Copa Provinzia sará insciö le obietîf prinzipal.

 

Sön le campo da Vahrn á metü man La Val la partida nia mal, ai é stè bugn ti prüms menüć da costruí en perd de beles aziuns. Mo ala conclujiun te porta é ma ruvé en iad Ivan y dopo Stefan cun dui tiri fora dal area, che le portíer á parè zënza dificulté.

Fora de nia röia spo en lancio de en defensur dl Neustift sön i pisc dl atacant, che röia da sú cuntra porta. Le portíer da La Val Merch vëgn fora cun na "uscita" e se scontrëi cuntra l'atacant. L'arbiter zënza ponsè dô fischiëa le rigore. Insciö se porta Neustift sön le 1 a 0. Püch dedô ti garetel al medemo atacant en "eurogol". Bunamënter urôl fá ite en cross sön le palo lunch, mo la pala röia bel avisa tl incrocio dla porta y dô avëi atuchè le palo röia le pal te porta, en beliscimo gol dl Neustift.

 

Sön chësta mazada é La Val che röia fora dla partida y ne é nia plü bugn da sughé en bel calcio. Le prüm tëmp se stlüsc jö sön le 2 a 0 por Neustift.

 

Tl secundo tëmp é Neustift che se stlüsc tröp ia dedô, mo ai é três prigorusc sön i contropiedi. Bel avisa insciö ti garetel spo le gol che stlüsc jö la partida. Sön en contropiede röia en sogadú dl Neustift cuntra le portier, cun en tiro bas dlungia le palo ite fejel spo le gol.

Ala fin dl secundo tëmp é ćiamó Frenes Daniel che vëgn espulso sön soma de amoniziuns.

 

La partida se stlüsc jö sön le 3 a 0.


Cun chisc trëi punć lascia sön trú toma La Val zoruch al 7. post.

 


 

La formaziun titolara: Vallazza Merch, Castlunger Marco, Alton Alex, Tavella Jordan, Vallazza Paolo, Frenes Daniel, Sottara Stefan, Tschaffert Ivan, Rubatscher Romeo, Frenes Micky y Rubatscher Florian.


 

Sostituziuns:

Elzenbaumer Alex por Rubatscher Florian

Miribung Adrian por Tschaffert Ivan

 

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©