US LA VAL
 
 
     
 

Recupero 4° part. ritorno 2012 por La Val

Stampa PDF

3.cat2011_2012In Mercui ai 25 de Má él gnü sughé le recupero dla 4° partida dl ritorno dl campionat 2011/2012 de  3° categoria por La Val. La partida é gnüda sugada fora de ćiasa cuntra la scuadra da Gais (che La Val á batü tla Copa Provinzia).

 

La Val vá indô fora cun le gofes ötes purdon, sciöche tles ultimes trëi partides, cun na pordüda de 3 a 1. La crisa dla scuadra va inant insciö. Ince sce la campionat ne á nia plü da dí por La Val é jüs i sogadusc te campo por davagné la partida. Mo cuntra Gais el stè zigü les grüm de assenzes che á magari contribuí ala pordüda. Mo chësc ne po zigü nia ester na scusa.

Da mëter man dla partrida á La Val sughé bun, mo oportunitês da gol ne él nia stè. Mo bel dô da 15 menüć an udü che la partida ne jê nia tle dër vers. En grüm de passaggi sbagliá y i sogadusc da La Val ruvâ prësc tres ultimi sön la pala. Mo le Gais ne á gnanca fat tiri te porta tla prüma mesora. Le prüm gol ti garetel impó al Gais ćiamò tl prüm tëmp. Al röia ite en cross sön le palo lunch, Marco y Jordan salta sö por rinvié demez cun le cé. Le atacant sbürla demez Marco, spo cun la man sbilanciada atochel bel avisa la pala, insciö dal le arbiter le rigore. Sepl ne á degüna chance da parè. Le prüm tëmp se stlüsc jö insciö sön le 1 a 0.

 

Tl secundo tëmp él spo garate le 2 a 0. En centrocampist da La Val á pordü la pala, spo el jü le aversar jö por la fascia y fesc ite en bel cros a mez, l'atacant dl Gais é stè bel sú dailo y á ma plü messe apogè te porta. Sön le 2 a 0 á La Val jumé ia da recuperè. Soradüt Alex Elz. es albü na gran oportunité. Daniel F. röia jö por la fascia y mët ite en pal d'or sön le rigore. Alex ne atoca nia dërt la pala. Püch dedô él en contrast de cé tra Franzi y en centrocampist da Gais che vá fora mal por i dui. Franzi sla cava cun na bota al cé mo l'ater mëss gní portè te spitol, cun en gran tai sura l'edl. A mesa le secundo tëmp ti garetel ćiamò na picera papera ala difesa da La Val. Le zentral dla difes ne se capësc nia bun cun le portier y ti pasa zoruch cun en colp de cé. La pala röia sura le portier fora y spo röia en atacant sön la pala y tira te porta.

Ala fin dla partida él ćiamó le arbiter che ti scinca en rigore a La Val. Ivan T. se prejentëia y cun en bel tiro angolè fejel insciö le "gol della bandiera".

 

La partida se stlüsc jö insciö sön le 3 a 1 por Gais.

Cun chisc trëi punć lascia sön trú toma La Val zoruch al 10. post.

 

In dumënia saral le derby da Rît, sce La Val ne cambia nia, saral rî da davagné le derby, suradüt deache le Mareo é te na gran condiziun y á portè deplü resultać positivs a ćiasa.

 

 

La formaziun titolara: Kantioler Sepl, Castlunger Marco, Alton Alex, Tavella Jordan, Tavella Thomas, Frenes Daniel, Verginer Franzi, Tschaffert Ivan, Rubatscher Romeo, Frenes Micky y Elzenbaumer Alex.

 

Sostituziuns:

Vallazza Paolo por Tavella Thomas

Valentin Elmar por Castlunger Marco

Miribung Adrian por Frenes Micky

Frenes Egon por Frenes Daniel

 

 

 

Por udëi i atri resultać drüca (ince di atri campionać ulache sogadusc da La Val süga para) drüca: resultać

 

 

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©