US LA VAL
 
 
     
 

Derby da Rît

Stampa PDF

3.cat2011_2012In Dumënia ai 29 de Aurí él gnü sughé le secundo Derby da Rît dl campionat 2011/2012 de  3° categoria por La Val. La partida é gnüda sugada jö Al Plan.  Chësta partida ê bel danfora dër importanta por La Val, deache al ê na oportunité da gní fora bun dala crisa y jí insciö plö convinti tla semifinala de Copa  in Mercui cuntra Aicha.

Bel avisa insciö era ince stada. La Val se porta indô le Derby da Rît a ciasa cun en bel 0 a 3. Insciö vëiga indô La Val en pü de lüm fora dl tunel ulache ai é bel da trëi partides. Tles ultimes trëi partides se ai tres ciafè 3 goi, mo cuntra le Mareo esi vëi stá bugn da nun fá trëi.

Bel da mëter man dla partida an udü che La Val urô davagné. De beles aziuns danter Ivan Tschaffert (che á sughé por le prüm iade terzino) y Daniel Frenes á metü in dificulté le Mareo. Insciö el ince gnü fora le gol. Ivan á lancé in profondité Daniel che fesc spo en bel cros ite a mesa l'area. En defensur dl Mareo é ma plü bun da spizuré la pala, che röia bel avisa sön le cé de Franzi, che mëss ma plü apogé te porta. Insciö se porta La Val bel adora sön le 0 a 1. Püch dedô él Micky che fesc prësc en beliscimo gol, sön en cros röia Micky sön la pala, cun en bel esterno al volo fejel en gran tiro che röia bel avisa sön la traversa, na gran descfortüna por La Val.

Ince sce La Val dominëia la partida tl mëter man é le Mareo che ne mola nia. Insciö esi bugn a mesa le prüm tëmp da se trá fora en rigore. Mo Sepl é bun cun na gran parada da salvé süa porta. Chësta gran parada ti dá ćiamò plü gran grinta ai sogadusc da La Val. Dan che le prüm tëmp se stlüsc jö el ćiamó Florian che é bun da ti tó la pala a en defensur y jí cuntra le portier, spo röia adalerch indô le defensur y le falcia da dô ite, insciö mëss l'arbiter fischié indô le rigore. Florian se prejënta y fesc gol, insce sce Julian á azeché le angolo, mo al ne é nia stè bun da parè. Le prüm tëmp se stlüsc jö sön le 0 a 2 por La Val.

 

Tl secundo tëmp é La Val che controlëia la partida. Le Mareo ne é cuaji mai prigorusc, al röia en per de crosc ite a mez, mo degügn di atacanć dl Mareo é pronti da le spizuré te porta. En bel tiro fora dl area dl Mareo vëgn parè da Sepl. A mesa le secundo tëmp é spo La Val che stlüsc jö la partida. Alex Elz. é bun da recuperé en bel pal, che le defensur urô acompagné fora. Spo tirel ite a mez la pala. Al é en per de rimpalli, ala fin á Florian la pala, al vá ite te area, mo denant che al poi trá é le defensur dl Mareo che le sbürla jö porter, ince en rigore netto. Florian che á trat fora düć dui i rigori se prejënta indô sön le 11  y fesc gol. Insciö se stlüsc jö le Derby da Rît cun na bela vitoria dl US La Val por 0 a 3.


Cun chisc trëi punć davagná se porta La Val al 9° post, cun na partida ćiamò da recuperé cuntra Mühlwald.

 

  

 

La formaziun titolara: Kantioler Sepl, Ivan Tschaffert, Alton Alex, Tavella Jordan, Tavella Thomas, Frenes Daniel, Verginer Franzi, Sottara Stefan, Rubatscher Romeo, Frenes Micky y Elzenbaumer Alex.

 

  

Sostituziuns:

Nagler Max por Sottara Stefan

Valentin Elmar por Tavella Thomas

Elzenbaumer Alex por Frenes Micky

Castlunger Marco por Frenes Daniel

  

 

 

Por udëi i atri resultać drüca (ince di atri campionać ulache sogadusc da La Val süga para) drüca: resultać

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©