US LA VAL
 
 
     
 

Copa Provinzia: andata semifinala

Stampa PDF

copa2012In mercui ai 02.05.2012 él gnü sughé l'andata dla simifinala de Copa Provinzia por La Val, cuntra la scuadra da Aicha (che é secundi te so campionat). Dô la buniscima partida cuntra le Mareo te campionat é jüs i sogadusc da La Val con plü convinziun te semifinala, savon che la Copa é l'ultim travêrt a disposiziun.  

 

La partida se á metü mal bel da mëter man, por La Val. Bel dô da 2 menüć se ciafi le prüm gol de cuntra. Al röia en cross ite a mez, sön en contrasto de cé röia le pal sön le rigore, ulache al ê dui sogadusc dl Aicha bi susc. Cun en bel tiro al volo mëtel le pal sön le palo lunch jö bas, Sepl ne pó fa nia. Chësta é na docia frëida por La Val. Mo bel avisa sön le gol ciafè se descëda la scudra y mët man da sughé bun, cun la pala basa y de beles combinaziuns. 

La prüma ocajiun vëgn tosc dedô por La Val. Daniel fesc ite en bel cros dala fascia, le defensur ne atoca nia dërt la pala che ti röia sot le giames fora. Le portier che ne se aspetâ gnanca le pal ne é nia pronto, mo Franzi röia de püch nia sön la pala, scno essl ma podü apogè te porta. An vëiga che Aicha vëgn en pü nervösc y mët man da fá falli. Insciö tira fora Daniel na bela poniziun püch fora dl' area. Micky se prejënta sön la pala. Cun na gran poniziun che scavalchëia la bariera y röia bel sot la traversa ite, portel La Val sön le 1 a 1. 

Püch dedô é Daniel che fesc en eurogol. Cun süa gran velozité se portel jö por la fascia. Bonamënter ôl fa ite en cros, mo al vëgn fora en gran tiro che scavalchëia le portier y röie bel avisa tl incrocio lunch. Dô avëi atuchè le palo röiel spo te porta, en bel gol de Daniel. 

Aicha ne é cuaji mai prigorusc, ma sön en per de pales inatives o sön crosc, mo nia che ess podü mët in dificultè Sepl. Denant che le prüm tëmp se röia él ćiamò Sepl che fesc na uscita, al vëgn spustè tl aria y röia jö sön le cé. Mo por fortüna él indô bun da luvè sö püch dedô y sughé inant.

L' prüm tëmp se stlüsc jö sön le 1 a 2 por La Val.


Tl secundo tëmp él Daniel spo che fesc le 1 a 3. Al recuperëia pala a mesa le ćiamp se porta verso l' area y cun en tiro de piza bas el bun da bater le portier dlungia ite, che ê magari en pü massa infora. La pala se porta bel avisa dlungia le palo ite.

Mo Aicha ne mola nia. Insciö esi bugn da fá le 2 a 3. Sön en cros él indô en atacant bel sú te area, cun en bel colp de cé (schiacciata jö portera y spo sot la traversa ite) el bun da bater Sepl. Insciö ciafa indô Aicha crëta y püch dedô feji le pareggio. Sepl fesc na uscita, le atacant ti vá ados y cun en pé ti essl prësc abiné le cé. Mo le arbiter lascia jí inant y ne dá nia falo. La fortüna é sön la pert de Aicha, y la pala sön le rimpalo röia bel avisa te porta.

 

Insciö se stlüsc jö la paritida sön le 3 a 3.

 

Chësc é zigü en bun resultat che La Val se porta dô, por le ritorno te ćiasa. Insciö ti bastel ince ma en pareggio a La Val. Le ritorno vëgn sughé ai 16 de Má a La Val dales 20:00 indô.

 

 

L'atra partida danter San Laurënz y Lajen é jüda fora 1 a 4 por Lajen.

 

La foramziun titolara: Kantioler Sepl, Tavella Jordan, Alton Alex, Valentin Elmar, Sottara Stefan, Rubatscher Romeo,  Verginer Franzi, Frenes Daniel, Frenes Michael y Rubatscher Florian

 

Sostituziuns:

Elzenbaumer Alex por Frenes Micky

Castlunger Marco por Daniel Frenes

 

 

 

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©