US LA VAL
 
 
     
 

7° part. ritorno 2012 por La Val

Stampa PDF

3.cat2011_2012In dumënia ai 06 de Máí él gnü sughé la cuinta partida dl ritorno dl campionat 2011/2012 de  3° categoria por La Val. La partida é gnüda sugada te ćiasa cuntra la scuadra da San Laurënz (che é prüm dan Aicha).

 

San Laurënz mostra ince sön le ciamp da La Val che ai é prüms te campionat. Cun en 1 a 3 esi bugn da bater La Val.

La scuadra da La Val ne é nia stá bugn te chësta partida da proseguí la buna seria de partides. Soradüt tl prüm tëmp ne esi nia stá bugn da fá en bel jüch, sbalian tröć passagi elemetari y ruvan mai te partida. 

Insciö garetel ince le prüm gol por San Laurënz. La Val perd na pala tratan en aziun ofensiva, insciö nascel en bel contropiede. Le capitan di aversarsc se porta jö por la fascia y fesc na bela combinaziun cun le atacant. Al ciafa la pala sön le pé, le tiro vëgn ćiamò devié da en defensur. Spo röia la pala sön le prüm palo, Sepl é ćiamò bun da la devié, mo nia assa y röia insciö te porta. San Laurënz á la partida tles mans, La Val ne é mai prigorusc. Mo ai é impò bugn da tigní le 0 a 1 cina ala fin dl prüm tëmp. 

Tl secundo tëmp vara en pü damí cun le jüch. La Val é bugn da costruí en per de beles aziuns, mo al ne basta nia por fá le gol. La desfortüna é ince ćiamò por La Val.  Le arbiter fischia en rigore inesistente cuntra La Val. Le atacant se porta ite te area, le defensur da La Val va in contrasto y ti porta demez la pala, mo l'arbiter fischia. Sepl es cuaji parè ince le rigore, mo al é ma bun da le devié en püch, nia assa por che le pal vá fora de porta.

  

Sön le 0 a 2 ess La Val na gran oportunité, le atacant se porta ite te area, mo impede passè ite a mez ulache al foss stè 3 sogadusc susc tirel te porta da na angolaziun imposcibla. Le tiro ne é nie prigorus.

San Laurënz é ince ćiamò bugn da fa le 0 a 3 sön na bela aziun che porta le atacant te area, cun en gran sinistro sön le palo lunch ne ti dal degüna oportunité a Sepl.


Ala fin dla partida él ćiamò San Laurënz che se fesc en gol instësc pon dí. En defensur ti pasa zoruch al portier, al lascia rimbalzè la pala che ti vá sura le cé fora, ia dedô vëgnel adalerch Florian y Alex che é bugn da ti tó la pala. Alex spizurëia ćiamò la pala te porta. Le gol dla bandier por La Val.

   

La partida se stlüsc jö insciö sön le 1 a 3 por San Laurënz.

Cun chisc trëi punć lascia sön trú resta La Val al 9. post cun na partida demanco, che vëgn recuperada chësc Mercui a La Val cuntra le Mühlwald dales 20:00.


 

La formaziun titolara: Kantioler Sepl, Castlunger Marco, Alton Alex, Tavella Jordan, Valentin Elmar, Frenes Daniel, Sottara Stefan, Tschaffert Ivan, Verginer Franzi, Rubatscher Romeo y Frenes Micky.

 

 

Sostituziuns:

Sottara Freddy por Frenes Micky

Elzenbaumer Alex por Verginer Franzi 

Sottara Werner por Castlunger Marco

Vallazza Paolo por Valentin Elmar

 

Por udëi i atri resultać drüca (ince di atri campionać ulache sogadusc da La Val süga para) drüca: resultać

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©