US LA VAL
 
 
     
 

8° part. ritorno 2012 por La Val

Stampa PDF

3.cat2011_2012In dumënia ai 13 de Má él gnü sughé la otava partida dl ritorno dl campionat 2011/2012 de  3° categoria por La Val. La partida é gnüda sugada fora de ćiasa cuntra la scuadra da Prettau (che é ultims te campionat).

 

La Val é jüs a Prettau por se ciarié sö y por ciafè la miú  condiziun fisica por la proscima partida, le ritorno de Copa te ćiasa cuntra la scuadra da Aicha (andata 3 a 3).

Bel da mëter man dla partida é La Val plü prigorusc, na punizin de Micky röia sura porta fora. Püch dedô el Florian y Micky che röia cun na bela combinaziun jö por la fascia, al röia en bel cross ite a mez por Alex che ne é nia bun da oje le pal te porta cun le cé. Mo i aversarsc ne dorm nia, sön na bela aziun feji gol, mo le atacant é de püch in fuorigioco. Le gol vëgn anulé. Micky á ince na gran oportunité da fa gol. Sön na picia mischia röia la pala alta tl cinch, al mët jö le pal y tira bel avisa ados a en aversar, sön la ribatüda é Alex Elz. che pro ćiamò en iad le tiro, che vëgn indô ribatü.

Püch dant che le prüm tëmp se röia é La Val che vá in vantaje. Alex fesc en bel palonetto al defensur, che archita spo la pala cun la man, insciö dal le arbiter le rigore. Micky se prejentëia y spiazëia le portier. La Val mina bel da jí in vantaje te spogliatoi. Mo bel avisa dant che l'arbiter fischiëia feji le 1 a 1. Sön na gran aziun, ciafa en atacant en bel passaggio filtrante, insciö se portel cuntra Sepl y cun en bel tiro sön le prüm palo fejel gol.

Le prüm tëmp se stlüsc jö sön le 1 a 1.

 

(Tl secundo tëmp mëtl prësc man da nuvëi y al é en gran frëit)

Püch dô che le secundo tëmp á metü man se porta le Prettau in vantaje. En atacant se porta ite por l'area, Sepl fesc na bela uscita y abina la pala. Mo de chël röia adalerch Paolo che fesc na scivolata y maza jö le aversar. Insciö dal le rigore le arbiter. Sepl vëgn spiazé dal tiro che röia bas dlungia l'ater palo ite. A mumënć ti garetel ćiamò le 3 a 1. En gran tiro da lunć é Sepl ćiamò bun da aziché y röia bel avisa sön la traversa.

A mesa le secundo tëmp é Micky che fesc en bel cros a Florian ite a mez, al é bun da mët jö la pala de petto y  cun en gran destro sön le palo lunch fejel en bel gol, che porta La Val sön le 2 a 2. Püch dedô él Micky che fesc cuaji le 2 a 3. Sön en bel cros el bun da mët jö la pala tla picera area, mo so tiro vëgn bel avisa abiné da en defensur che ê sön la riga.

 

Spo ala fin dla partida é La Val che ciafa ćiamò 3 poniziuns. Üna é Ivan che tira de püch sura fora, l'atra é Micky che tira te bariera. Mo l'ultima é le arbiter che anulëia le gol, regolariscimo. I sogadusc compreso le portier da Prettau vëgn fora al limite a protestè cuntra le arbiter. Florian mët atira jö la pala y fesc en passaggio in profondité a Ivan che po jí te porta y apogé ite, zënza le portier. Mo le arbiter anulëia le gol, an ne sa nia ciudí. 

   

La partida se stlüsc jö insciö sön le 2 a 2.

Cun chësc punt davagné resta La Val al 8.


 

La formaziun titolara: Kantioler Sepl, Tavella Thomas, Alton Alex, Vallazza Paolo, Sottara Werner, Frenes Micky, Sottara Stefan, Sottara Freddy, Verginer Franzi, Rubatscher Florian y Frenes Micky.

 

 

Sostituziuns:

Frenes Egon por Elezenbaumer Alex

Tschaffert Ivan por Sottara Freddy

Miribung Adrian por Tavella Thomas

 

 

Por udëi i atri resultać drüca (ince di atri campionać ulache sogadusc da La Val süga para) drüca: resultać

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©