US LA VAL
 
 
     
 

Copa Provinzia: ritorno semifinala

Stampa PDF

copa2012In mercui ai 16.05.2012 él gnü sughé l' ritorno dla simifinala de Copa Provinzia por La Val, cuntra la scuadra da Aicha (che é secundi te so campionat). Dô la buniscima partida dl andata ne ti era nia jüda massa bun por concuisté la finala. 

 

Tratan düta la partida ne an nia udü aziuns concretes di sogadusc da La Val por fá gol. Mo sciöche al é bel sozedü plü gonot sön les uniches aziuns di aversarsc se ciafi le gol tres.

Insciö vëgnel ince a lüm le prüm gol dl Aicha a mesa le prüm tëmp. Al vëgn ite a mez en calcio d'angolo, spo el en defensur da La Val che spizurëia cun le cé y ne é nia bun dal trá demez. Mo la pala röia sura le portier ite y bel avisa dlungia le palo jö. En autogol che ti scinca le vantaje al Aicha. Püch dedô el Franzi che á na gran oportunité, mo so tiro fora dl area röia de püch dlungia le incrocio ia.

Püch dan la fin dl prüm tëmp é le arbiter che ne fischia nia en rigore neto al Aicha. En sogadú da La Val abina sön en tiro dl Aicha la pala cun la man, mo por fortüna el le arbiter che ne á nia udü. Denant che le prüm tëmp se röia el ćiamò Ivan che podess fa en gol. Al röia ite te area, mo so tiro röia de püch dlungia le palo cürt ia. Le prüm tëmp se stlüsc jö sön le 0 a 1.

 

Tl secundo tëmp é La Val che á da mëter man la partida tles mans, mo ai se stënta da ruvé a conclujiuns. Deache ai mëss fa en gol por rové inant, se sbilanciëia düta la scuadra inant. Insciö ti garetel al Aicha le 0 a 2 sön contropiede. Al vëgn lancé in profondité le atacant dl Aicha, le defensur da La Val röia in contrast de sciabla, mo le atacant é bun da sciuré dmez le defensur y insciö el bun da se portè dlungia le portier ia y fa gol. En gol che ti taia en pü les giames a La Val. Bel avisa tl bun mumënt por paregé ti garetel le gol a Aicha.

La Val pro ćiamò da recuperé mo ara ne va nia plü. Romeo es ćiamò albün na bela oportunité da trá te porta, mo al é ot cun le spiné cuntra le portier y ne é nia bun insciö da fá en bel tiro. Alex Alton fesc ince en bel tiro fora dl area che röia de püch sura la traversa fora. A mesa le secundo tëmp fosl magari ince stè en rigore por La Val. En defensur se tol la pala cun la man, mo le arbiter ne vëiga nia la mano.

 

Ala fina dla partida ti garetel ćiamò le 0 a 3 a Aicha, indô sön en contropiede röia le atacant cuntra le portier, Sepl vëgn fora y cun en bel palonetto el bun da scavalché le portier y mëter la pala te porta.

La partide se slüsc jö sön le 0 a 3 por Aicha che röia insciö te finala cuntra Lajen che á ince batü San Laurënz por 4 a 1.

 

  

La foramziun titolara: Kantioler Sepl, Tschaffert Ivan, Alton Alex, Castlunger Marco, Valentin Elmar, Frenes Micky, Sottara Freddy, Sottara Stefan, Frenes Daniel, Verginer Franzi y Rubatscher Romeo.

 

Sostituziuns:

Elzenbaumer Alex por Verginer Franzi

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©