US LA VAL
 
 
     
 

Recupero 9° part. ritorno 2012 por La Val

Stampa PDF

3.cat2011_2012In Mercui ai 23 de Má él gnü sughé le recupero dla nona partida dl ritorno dl campionat 2011/2012 de  3° categoria por La Val. La partida é gnüda sugada te ćiasa cuntra la scuadra da Olang (che é penultimi te campionat).

 

Vigni iade canche La Val süga de mercui vëgnel garantí ai tifosi en grüm de goi. Sciöche al é bel stè cuntra Mühlwald ulache ara é jüda fora 9 a 2 por La Val, ince cuntra la scuadra da Olang él stè na partida cun en grüm de goi, La Val davagna 6 a 5. Na bela partida, suradüt por la jënt che ciarâ pro.

 

Bel da mëter man dla partida é La Val che süga dër bun, cun la pala basa. Insciö nascel ince en bel gol de Alex Elzenbaumer. Sön en lancio dal centrocampo alt, é Alex che va cuntra porta, spo fejel en gran tiro al volo de dërt che scavalchëia le portier y röia bel avisa sot la traversa ite. En bel gol de Alex che porta La Val in vantaje.

Püch dedô él spo le Olang che fesc le pareggio. Ai ciafa na puniziun püch sot a metacampo, le tiro che ê en cros röia tl area, le portier da La Val vëgn fora, mo al ne é nia bun da abiné la pala che röia insciö te porta. Spo él le mumënt dl Olang. Tl tëmp de 15 menüć ti garetel 2 goi. I atacanć jogn dl Olang é dër veloci. Sön trami dui i goi esi bugn da ti sciampé in velocité ai defensurs da La Val. Sön le 1 a 2 ti garetel al atacant en bel tunel cuntra le defensur, al se porta spo cuntra le portier y é bun dal dribbeln dlungia ia y apogé le pal te porta. Sön le 1 a 3 pëia ince ia le atacant sön en bel passaggio in profondité, mo bunamënter fosl stè fuorigioco. Al röia dan le portier y cun en bel tiro sön le palo cürt fejel insciö gol.

 

Mo La Val ne la dá nia sö! Insciö ti garetel le 2 a 3. Sön en bel passaggio de Stefan röia Daniel Frenes cuntra le portier. Al se alungia en pü massa la pala, mo cun en bel "tocco sotto" el bun da mené la pala sura le portier fora y röia insciö te porta. En gran tiro de Stefan a giro röia ince bel avisa sön le palo, foss sté en beliscimo gol. Micky á ince la pala dl pareggio: al röia en bel cros ite a mez, Micky é en meter dan la porta, al se fesc stopen la pala impede trá al volo, insciö röia en defensur bela avisa sön la pala ćiamò. Ai fesc prësc vëi en autogol, mo ala fin esi ćiamò bugn da trá demez la pala. Mo denant che l'arbiter sciüra la fin dl prüm tëmp el spo Micky Frenes che fesc le pareggio. Na gran poniziun de potënza sön i 30 metri, röia te porta. Mo le portier ne é nia stè bun da parè. Le pal á ot denant che al ruvas te porta, dan insciö na strana traiottoria ala pala.  

Tl prüm tëmp le arbiter á trat fora deplü gheles por trames döes les scuadres. Le prüm tëmp se stlüsc jö sön le 3 a 3.

 

Tl secundo tëmp él spo Daniel che porta in vantaje La Val. Al é bun da recuperé la pala a en defensur. Al se porta insciö te area y cun en bel tiro a giro sön le palo lunch fejel le 4 a 3 por La Val. Püch dedô él spo Micky che fesc so secundo gol portan La Val sön le 5 a 3. En gran pasaggio de en centrocampist porta Micky in profondité cun en bel tiro bas dlungia le portier ia el bun da fa gol.

Daniel Frenes vëgn mazé jö püch fora dl area. Insciö ti dal le arbiter la secunda ghela al defensur da Olang che mëss lascé le campo. Püch dedô el spo Daniel Frenes che vëgn sciuré fora por soma de amoniziuns. Insciö süga les döes scuadrea 10 cuntra 10. A Olang ti garetel spo le 5 a 4. En defensur da La Val perd la pala te so campo, al se porta jö sön le fondo y fesc ite en bel cros a mez, ulache le atacant é bel su y mëss ma plü apogé te porta. Dô da 10 min ti garetel spo le pareggio a Olang. Sön en calcio d'angolo röia le atacant plü alt sön la pala y é bun da fa gol de cé. Na gran testata cun la pala che röia naota jö portera y dopo sö tl incrocio lunch. 

Insciö é Olang indô te partida. I sogadusc vëgn tres plü nervösc. Le arbiter mët indô man da parti fora gheles. Micky ciafa ince la secunda ghela y lascia insciö La Val in 9. Ti ultimi menüć é La Val che drüca y pro da davagné la partida ince sce ai é ma plü in 9. Sön dui calci d'angolo vëgnel sciuré jö porter en iad Romeo y en iad Adrian, mo le arbiter ne dá nia le rigore. Mo tl recupero é La Val che á ćiamò na rimesa. La pala röia bel avisa te area, ulache Paolo la mët jö, al röia adalerch en defensur y le maza jö. Le arbiter dá insciö le rigore.

Ivan se prejënta sön le rigore y fesc gol. Chësc gol ti scinca insciö la vitora a La Val.

   

La partida se stlüsc jö insciö sön le 6 a 5.

Cun chësc punt davagné se porta La Val al 6. post te tlassifica. 


 

La formaziun titolara: Rubatscher Raimund, Tavella Thomas, Alton Alex, Tavella Jordan, Tschaffert Ivan, Frenes Micky, Sottara Stefan, Sottara Freddy, Frenes Daniel, Elzenbaumer Alex y Frenes Micky.

 

 

Sostituziuns:

Verginer Franzi por Sottara Freddy

Vallazza Paolo por Tavella Thomas

Miribung Adrian por Elzenbaumer Alex

 

 

Por udëi i atri resultać drüca (ince di atri campionać ulache sogadusc da La Val süga para) drüca: resultać

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©