US LA VAL
 
 
     
 

Under 15 VSS Val Badia campiuns dla Provinzia

Stampa PDF

U15_VB_11-12___001Dô che la scuadra di Under 15 dl Val Badia, alenada da Miribung Eppe, à batü tla semifinala a Eppan le Ridnanuntal por 2 a ,1 esi ruvà te finale cuntra la scuadra da Jenesien. La finala é gnüda sogada inier ai 10.06.2012 a San Scimun. Dô na gran partida, combatüda cina ala fin, à davagné i ladins ai rigori.

 

Dan en gran publico à i sogadusc ladins mostrè en bel jüch, cun beles aziuns. Mo ince sce i sogadusc dla Val Badia á dominé da mëter man dla partida ne esi nia bogn da sbloché le risultat tl prüm tëmp. Marco Sottara à na gran oportunité a mesa le prüm tëmp: sön en bel cros dala fascia ite röiel bel da su sön le pal, le bel colp de cé röia de püch sura porta fora. I sogadusc ladins pro deplü iadi cun tiri dalunć, mo la pala ne ó nia jí ite. I sogadusc da Jenesien prô plü co ater sön i "contropiedi" mo la buna difesa cun le portier dla Val Badia é três bogn da intervení. Le prüm tëmp se stlüsc jö sön le 0 a 0. Tl secundo tëmp é Jenesien che vëgn plü prigorus; insciö ti garetel ince le prüm gol. Na bela poniziun röia al portier, mo la pala ti sciampa fora dles mans, en gol cun na gran desfortüna, ince por via dl campo dër mol y dl pal che ne ê nia saurí da tigní sot control. Mo püch dedô ti garetel le pareggio al Val Badia. Moling Freddy se porta jö por la fascia, al é bun da ti jí ia a deplü defensurs. Insciö röiel cuntra le portier y cun en bel tiro dlungia le palo ite portel l Val Badia sön le 1 a 1.

Dô 3 menüć é l Val Badia che se porta in vantaje. Freddy fej en bel cros ite a mez olache al röia adalerch Sottara Marco, che cun en bel tiro de prüma el bun da trà la pala dlungia le portier ite.

Ala mesora dl secundo tëmp ti garetel prësc a Freddy l gol dl 3 a 1. Sön en calcio d'angolo el bun cun en gran stacco da ruvé sön la pala, al fej en gran colp de cé mo le portier fej en mez miracolo y é bun da salvè süa porta. Püch dedant che la partida se röia el ćiamò Jenesien che fej le pareggio. Al röia ite a mez en bel cros; trëi defensurs dl Val Badia ne marca nia l' unico atacant, che é stè insciö bel su te area. Cun en bel tiro al volo el bun da mëte la pala te porta.

Tl recupero el ćiamò la Val Badia che à na gran oportunité. Freddy ti sciampa indô dala fascia ite a deplü defensurs y se porta cuntra le portier , al fej en bel tiro angolé che röia bel avisa te porta, mo en ater sogadu dl Val Badia ó apogé la pala te porta; al ne röia nia dërt sön la pala y la tira demez da porta. Mo ince sce al éss atuchè la porta, fossl stè fuorigioco. Insciö se röia la partida sön le 2 a 2.

Pro i rigori, bel da mëter man, an odü dös gran parades dl buniscimo portier dl Val Badia René, che ti a insciö taié les giames ai aversars. Insciö davagna la Val Badia 4 a 3 ai rigori.


Dô la partida él stè spo la musiga da San Scimun che à acompagné les squadres y inscö ince i campiuns dla Provinzia te campo, olàche al é stè spo la premiaziun y la festa.


U15_VB_11-12___148 U15_VB_11-12___202 U15_VB_11-12___225

 

Por udëi atres fotos dla partida y dla festa drüca: FOTOS FINALA UNDER 15

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©