US LA VAL
 
 
     
 

1° partida de Copa 2012/2013 por La Val

Stampa PDF

copa2012In sabeda ai 18 de Agost él gnü sughé la 1° partida dla Copa Provinzia 2012/2013 de  3° categoria por La Val. La partida é gnüda sugada cuntra la scuadra da Mühlwald, te ćiasa. Mühlwald é na scuadra che La Val cunësc bun, bel da plü agn esi tres adüm ti gioroni dl campionat. Por  varies coses é stada la banchina da La Val in sabda cuntada, ma cun en portier de riserva y un en sogadú  por le cambio.

 

Ince por via dl gran cialt che é stè, fossl stè dërt avëi plü sogadusc por podëi cambié. Insciö an messè ince cambie sö la formaziun, cun deplü sogadusc che á messè sughé te ruoli che ai ne á mai sughé. P.e. Ivan che á sughé ia dedô a mez y Freddy che á sughé terzino. Mo porchël á impó alzè le cé i sogadusc da La Val, mustran na bela paritida.

Mo bel da mëter man di prüms 10 menüć esi jüs in dificulté La Val. Sön en bel lancio dl Mühlwald ti sciampa le atacant a mesa i dui centrali dla difesa Ivan y Alex, al se porta cuntra le portier mo Sepl é bun da parè cun na bela parada sön la man derta. Püch dedô el en defensur che ne é nia bun da trá demez atira la pala fora dl area, insciö röia le atacant la sura. Ivan ó trá demez, mo bel avisa te chël che al ó tra la pala ti röiel dô ite le atacant y Ivan abina la giama dl atacant. Insciö ti fischiel le rigora por le Mühlwald. Sepl ne á degüna chance da le parè. ^

Dô da chësc gol é La Val che se descëda spo. Cun beles combinaziuns danter i defensurs y i centrocampisć röi gonot dan l'area dl Mühlwald. Mo al mancia ćiamò l'ultimo passaggio gonot, che vëgn scialdi sbaglié. Romeo fesc en bel tiro al volo a mesa le prüm tëmp che röia depüch dlungia le palo ia. La Val á la partida tles mans, mo le prüm tëmp se stlüsc impó ćiamò jö sön le 0 a 1 por le Mühlwald. 

Tl secundo tëmp él spo le capitan Alex che sblochëia la partida. Sön en angolo, röia le pal sön na ribatüda, ala fin dl area. Ulache al é bun cun en gran tiro al volo da fa gol. Le tiro röia sura le portier fora y bel avisa sot la traversa ite, en gran gol de Alex che porta insciö La Val sön le 1 a 1. 

Püch dedô él spo Micky che fesc en bel lancio de potënza por Florian, le portier vëgn fora y ne atoca nia la pala, insciö röia le lancio de Micky (che foss stè a Florian) te porta. Le 2 a 1 é stè cun en pü de fortüna. Ala mesora dl secundo tëmp é spo Stefan che fesc giré bel la pala da üna na pert al atra. Freddy se porta inant, al fesc en gran tiro fora de area, mo la pala röia sura le portier ite y bel avisa sön la traversa y spo jö sön la riga de porta y fora. Na gran defortüna por La Val.

Romeo stlüsc jö spo la partida cun en bel colp de cé sön en bel cross de Daniel.

Denant che la partida se röia vëgnel ćiamò espulso Florian Rubatscher y en defensur dl Mühlwald, cun döies cöcenes. Florian röia cuntra cun en gran sbunf cuntra le portier y trami dui toma jö portera. Le defensur fesc spo dopo en fallo de reaziun y ti cacia deplü ginochiades sön le piet de Florian. Le arbiter röai adalerch si chërda pormez y tira fora dui iadi la cherta cöcena. Degügn ne á ćiamò capí ciudi che Florian é gnü espulso.

La partida se stlüsc jö sön le 3 a 1 por La Val. En bun resultat por le ritorno de chësta sabeda ite a Mühlwald dales 17:00. 

 

 

 

La foramziun titolara: Sepl Kantioler, Sottara Freddy, Alton Alex, Tschaffert Ivan, Moling David, Frenes Micky, Nagler Max, Sottara Stefan, Rubatscher Romeo, Rubatscher Florian y Miribung Adrian.

Banchina: Frenes Daniel y Rubatscher Raimund. Rubatscher Klaus (responsabl 3. categoria)

 

Sostituziuns:

Al 46° Frenes Daniel por Miribung Adrian

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©