US LA VAL
 
 
     
 

Diego Tschaffert al „Ultra-trail du Mont Blanc“

Stampa PDF

DepartTDS4FranckOddouxL’atlet de Badiasport à arjunt n bun 27ejimo post

 

Saltè - Diego Tschaffert, campiun europeich de liösa alta, à arjunt surafora sò obietif pro chësta gara da saltè. Pié ia él cun l’obietif da rové la gara, ći che n’é nia logich. Sön 1.400 pià ia al start nen él rové al travert ma 600, danter chisc inće Diego, sciöche 27ejim.

 

Cuntënt dl bun resultat, descrìel la gara apëna fata sciöche ria: plü de 18 ores él saltè indöt sön 7.150 m de deslivel por 114 km. Te deplü perts rovâ le percurs sura i 2.500 m de altëza y les condiziuns tlimatiches, cun vënt, frëit, plöia y nëi, n’ê nia dles mius. Implü rovâ i atleć tla nöt y messâ saltè cun pücia löm, ći che se damana na gran atenziun y sforz por tignì fora i prighi.

 

Sön les pedies di düches de Savoia

Le percurs che Diego à fat é un de cater percursc che le „Ultra Trail du Mont Blanc“ pîta: le TDS (Sur les Traces du Ducs de Savoie). Al passa fora por la Savoia y la Val d’Aosta: da Courmayeur ćina sö a pé dl dlaćià de Bionnassay y cun le travert a Chamonix. Al vëgn conzedü n tëmp mascimo de 31 ores por rové al travert y les carateristiches de chësc percurs se damana na buna preparaziun y autonomia personala. Le start ê dales 7 da doman y Diego à arjunt le travert dales 2 de nöt, cun n tëmp de 18:47:49.

 

La belëza dl panorama che i cater percursc pîta n’à chësc ann nia podü gnì amirada por gauja dles condiziuns tlimatiches. Inće i atri trëi percursc passa düć incër le Mont Blanc, inće sce sön d’atri trus, y à vignun d’atres carateristiches: le UTMB (Ultra Trail du Mont Blanc) passa fora por trëi stać (Talia, Francia y Svizera) y à 166 km de gara y 9.500 m de deslivel; le CCC (Courmayeur-Champex-Chamonix) 98 km y 9.500 m de deslivel; le PTL (La Pétite Trotte à Léon) 300 km y 22.000 m de deslivel y é na gara a scuadres. Deplü informaziuns y i resultać di cater percursc ciàfon sön la plata internet www.ultratrailmb.com. Por ći che reverda i resultać dl TDS, percurs che Diego à fat, é rové pröm al travert Dawa Sherpa dal Nepal cun n tëmp de 14:37.07 y sciöche bele dit s’à Diego davagné le 27ejimo post.

 

Fontana: Badiasport

 

DiegoParcoursTDS5PascalTournaire-pt-04-078

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©