US LA VAL
 
 
     
 

2° part. campionat 2012/13 por La Val

Stampa PDF

3.cat_2012_2013In dumënia ai 16 de Setëmber él gnü sughé la secunda partida dl campionat 2012/2013 de  3° categoria por La Val. La partida é gnüda sugada te ćiasa cuntra la scuadra da Lüsen, che é tomá indô zoruch tla 3. categoria l' ann passè.  

Dô la burta prestaziun tla prüma partida cuntra Gais é La Val jüs te campo cun n'atra mentalité y cun plü convinziun.

Chësta ê na buna oportunité da scmuntié la prüma partida, dan le publico te ćiasa.

Mo bel dô da 50 secunć che la partida á metü man se ciafa La Val en gol. Al röia ite en cross te area, la pala rimbalza mo le defensur da La Val ne röia nia sön le pal cun le cè. La pala scavalchëia le defensur, te chël röiel dô ia en atacant, al ne ti resta nia plü co tigní zoruch tla maglia le atancat. Insciö fischiëia le arbiter le rigore y tira fora la cherta ghela. Sepl vëgn spiazè y le bel tiro röia bel avisa dlungia le palo ite.

Mo püch dedô ti garetel le 1 a 1 a La Val. Micky recuperëia la pala sön la fascia, cun en gran bel lancio portel Florian te porta. Le lancio röia dan l'area, le portier vëgn fora mo Florin ne pënsa nia sura dî y vá cuntra le portier. Al é bun da antizipé le portier y cun en bel colp de testa röia la pala sura le portier fora y te porta. Sön le contrast cun le portier é le portier da Lüsen che se ciafa na gran tega, mo al é bun da sughé inant.  

Al é na bela partida, deache düć fesc "kämpfen" sia i sogadusc da Lüsen che da La Val. Lüsen á indô la fortüna da fa le secundo gol. Indô sön en fal den difensur da La Val é la pala che resta te area. Sön le rimbalzo röiel adalerch le atacant da Lüsen y cun en bel colp te cé el bun da fa passè la pala sura Sepl fora. Elmar è ćiamò bun da salvé cun en gran intervento, che le pal ne rovass nia te porta. Mo le arbiter che ê a mesa le campo ti dá le gol al Lüsen, ince sce la pala ne é nia jüda te porta.

Püch dedô é spo Micky che fesc prësc le pareggio. Al é bun da se stoppen en bel lancio de Ivan, cun en palonetto él spo bun da surpasè le defensur. Spo prol cun en gran tiro al volo sön le palo lunch da fá gol. Le portier ne fesc degüna mossa, mo la pala röia de püch dlungia le palo ia.

Denant co le prüm tëmp se stlüsc jö é La Val che fesc ćiamò le 2 a 2. Na gran puniziun de Florian röia dlungia la bariera ia y spo sön le prüm palo. En gan tiro de Florian. Le prüm tëmp se stlüsc jö spo sön le 2 a 2.

 

Tl secundo tëmp él spo La Val che á la partida tles mans. Deplü oportunitês ne vëgn nia anüzades. Ivan sön la fascia porta ite a mez de bi pai, mo gonot mancel l' ultim sogadú che podess insciö jí ala conclujiun. Alexander ciafa a mesa le secundo tëmp en bel pal, al prô de prüma te area da fá gol, mo la pala röia sura porta fora. Ince en per de tiri di centrocampisć röia ince depüch sura porta fora.

  

Por le secundo gol scinché al Lüsen é spo le arbieter bunamënter che ne fischia nia en rigore netiscimo dl portier da La Val. Sön na uscita ol abiné la pala, mo al abina ma les giames dl atacant, mo le arbiter ne fischia nia le rigore, na gran fortüna por La Val.

Palo Valazza fesc ćiamò en gran intervento tl area, en atacant ti sciampa al ater defensur, mo spo bel avisa canche al ó trá te porta, röiel Paolo adalerch sön na gran diagonale y cun na bela scivolata el bun da ti tó la pala (en gol salvè da Paolo).  

Ala fin dla partida é ćiamò Ivan che prô cun en bel tiro da fa gol. La traiettoria dl pal foss stada buna, mo al ê massa plan, insciö é bun le portier da parè le tiro, che foss jü bel avisa tl incrocio.

 


La partida se stlüsc jö sön le 2 a 2. Cun chësc punt davagné se porta La Val al 9° post te tlassifica.  Proscima partida é in sabda ai 22.09.2012 fora de ćiasa cuntra le Gsiesertal (che é ince i aversarsc te Copa Provinzia)

 


 

La formaziun titolara: Kantioler Sepl, Tavella Thomas, Alton Alex, Vallazza Paolo, Valentin Elmar, Frenes Micky, Sottara Stefan, Tschaffert Ivan, Moling David, Rubatscher Romeo y Rubatscher Florian.

 

 

Sostituziuns:

Sottara Freddy por Moling David

Sottara Werner por Tavella Thomas

Miribung Adrian por Rubatscher Romeo

 

 

Por udëi fotos dla partida drüca: FOTO

 

Por udëi i atri resultać drüca (ince di atri campionać ulache sogadusc da La Val süga para) drüca: resultać

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©