US LA VAL
 
 
     
 

3° part. campionat 2012/13 por La Val

Stampa PDF

3.cat_2012_2013In sabda ai 22 de Setëmber él gnü sughé la terza partida dl campionat 2012/2013 de  3° categoria por La Val. La partida é gnüda sugada fora de ćiasa cuntra la scuadra da Gsiesertal, che é ince le medemo aversar de Copa (chësc mercui ai 26.09.2012 indô a Gsies).  

Ince sce La Val é ma jüs cun 13 sogadûsc a Gsies ai mustrè na gran grinta... insciö el gnü fora en 0 a 0 cuntra Gsies che é favoríes da jí sö te 2. categoria chësc ann.

An á udü che i sogadusc é stá bugn da tigní düć adüm te campo y trá fora dütes les forzes poscibles. Al fin fin La Val éss ince magari miritè i 3 punć.

Tratan la partida ne él nia stè gran chancen da gol, sides dla pert de La Val co de Gsies. Gonot al mancé chel ultimo passaggio por menè spo te porta i atacanć. La partida é scialdi gnüda sogada a mez al campo. A mesa le prüm tëmp sön en angolo, röia la pala bel avisa fora dl area dl Gsies, Freddy se porta sön le pal y fesc en bel tiro, ma sciode che al röia bel avisa ados a en defensur, le tiro éss albü na buna traietoria por portè La Val in vantaje. Ince Micky y Florian röia deplü iadi ala conclujiun, mo i tiri röia dlungia porta ia. Alexander é bun plü gonot da fa da spona a Florian de cé y le menè cuntra porta. Le Gsies tl prüm tëmp ne á gnanca gran chanchen. En pêr de puniziuns dal limite röia scialdi te bariera o sura porta fora. Na gran chance ne vëgn nia anuzada dal Gsies ala fin dl prüm tëmp: sön en "malinteso" danter Alex y Palo röia la pala a mesa fora, le atacant röia cuntra Sepl, mo le tiro va dlungia le palo ia. 

Le prüm tëmp se stlüsc jö sön le 0 a 0.

Tl secundo tëmp é La Val che süga indô damí co  Gsies, Ivan é bun cun en per de bi lanci da fá scattè les fasces sön le fondo. I bí crosc de Micky y David é gonot prigorusc, mo nia assá por le gol. A mesa le scundo tëmp é spo Ivan cun en bel passaggio (a scavalchè la difesa) che porta Micky cuntra porta, al pro en tiro de potënza sö le secundo palo. La pala röia de püch dlungia ia.

Mo püch dedô é Gsies che á spo la plü gran chance dla partida. Sön en angolo röia la pala te na mischia püch fora dl' area. Al röia adalerch en atacant, cun en gran tiro proel da portè le Gsies in vantaje. Mo por fortüna é Thomas tl dër mumënt sön le dër post. Insciö el bun cun en gran salvataggio da salvè la porta dal gol.


La partida se stlüsc jö sön le 0 a 0. Cun chësc punt davagné se porta La Val al 8° post te tlassifica. Proscima partida é in dumënia ai 29.09.2012 te ćiasa cuntra le Mareo (Derby da Rît).

 

La formaziun titolara: Kantioler Sepl, Tavella Thomas, Alton Alex, Vallazza Paolo, Sottara Werner, Frenes Micky, Sottara Freddy, Tschaffert Ivan, Moling David, Miribung Alexander y Rubatscher Florian.

 

 

Sostituziuns:

Castlunger Marco por Moling David

Miribung Alexander por Steinhauser Elmar

 

 

 

Por udëi i atri resultać drüca (ince di atri campionać ulache sogadusc da La Val süga para) drüca: resultać

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©