US LA VAL
 
 
     
 

Andata 2° turno de Copa 2012/2013 por La Val

Stampa PDF

copa2012In mercui ai 26 de Setëmber él gnü sughé l' andata dl 2° turno dla Copa Provinzia 2012/2013 de  3° categoria por La Val. La partida é indô gnüda sugada cuntra la scuadra da Gsiesertal, fora de ćiasa. Dô la buna prestaziun in sabda tla partida de campionat cuntra Gsiesertal é La Val jüs indô a Gsies, mo por portè a ćiasa la vitoria.

    

Sot la plöia á mustrè La Val en bel jüch, al é gnü combatü cina ala fin, mo por la vitoria ne al nia bastè. Ala fin él saltè fora en bun pareggio 1 a 1. En pareggio che avantajëia La Val, deache le gol segné fora de ćiasa é zigü important, por le ritorno ai 17.11.2012 a La Val dales 20:00.

Bel da mëter man é Gsies che prô da detè i ritmi, mo La Val ne se lascia nia druché massa dô ia. La difesa da La Val é metüda sö bun y ne lascia nia sughé Gsies. Ince i centrocampisć á na gran grinta y é bugn gonot da destrüje le jüch dl Gsies. I dui portiers á püch da fá tl prüm tëmp, deache al vëgn scialdi sughé ite a mez, mo al mancia les conclujiuns sides dla pert de Gsies co da La Val. Mo ala fin dl prüm tëmp é impó ćiamò Gsies che fesc le prüm gol. Sön en calcio d'angolo röia la pala sön le prüm palo. Le atacant y le defensur vá cuntra la pala, mo le atacant é bun dala aziché y pasa dlungia le defensur ia. Ia dedô él ćiamò dui defensurs, mo degügn se aspeta che la pala passa bel avisa tl unico punt che ne é nia cis bun curí. Ince Sepl ne se aspeta nia dailó la pala, insciö röia la pala te porta. En gol cun na gran desfortüna cuntra La Val.

Le prüm tëmp se stlüsc jö sön le 1 a 0 por Gsies.

Tl secundo tëmp él Ivan che vëgn en pü plü zoruch a daidé i dui centrocampisć, deache le Gsies sugâ cun 3 ite a mez. Insciö se fesc düta la scuadra plü saurí y é plü bel curîs. Deplü beles combinaziuns y passaggi danter i centrocampisć mostra che La Val crëi ćiamò tla partida. A mesa le secundo tëmp él spo La Val che sfiorëia le pareggio. Sön en calcio d'angolo él Micky ascvelt y tol atira la pala y passa ala fascia. Le portier che é jü a protesté cun le arbiter ne é nia bel te na posiziun otimala. Al röia atira ite le cross, ulache Ivan é bel sú sön le rigore. Cun en bel colp de cé proel da oje ite la pala sön le secundo palo, che ne ê nia corí dal portier. Mo la pala röia bel avisa sön le palo. Na gran sfortüna por La Val.

Mo püch dedô ti garetel impó le gol a La Val. Freddy recuperëia pala ite a mez, spo röiel adalerch Werner. Cun en gran lancio de Werner, che röia sura i defensurs fora, portel Alexander cuntra le portier. Le portier da Gsies fesc na burta uscita y maza sot y sura Alexander. Al arbiter ne ti restel nia ater co mustré sön le rigore y trá fora la cherta cöcena, deache al ê l' "utlimo uomo".

Ivan se prejentëia sön le ünesc y spiaza le portier.

Ala fin dla partida y La Val che á düt tles mans y ne rischiëia nia massa. La partida se stlüsc jö sön le 1 a 1.

 

 

Ponsan che le plü vedl te campo pro La Val é dl 84, ai mustrè düć i sogadusc na gran prestaziun, suradüt na gran "battaglia" cina ala fin.

 

 

 

La foramziun titolara: Sepl Kantioler, Sottara Werner, Castlunger Marco, Vallazza Paolo, Valentin Elmar, Frenes Micky, Sottara Freddy, Sottara Stefan, Moling David, Tschaffert Ivan y Miribung Alexander.

 

Sostituziuns:

Miribung Adrian por Moling David

Frenes Egon por Miribung Alexander

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©