US LA VAL
 
 
     
 

5° part. campionat 2012/13 por La Val

Stampa PDF

3.cat_2012_2013In sabda ai 06 de Otober él gnü sughé la cuinta partida dl campionat 2012/2013 de  3° categoria por La Val. La partida é gnüda sugada fora de ćiasa cuntra la scuadra da Raas, che é adüm ala scuadra da Gsiesertal i favorîes da jí sö te 2° categoria chësc ann.  

Por deplü cosses (amoniziuns, infotuni, nozes y.i.i.) é jüda la scuadra da La Val a Raas ma cun 12 sogadusc, mo sciöche le alenadú á dit: te campo van in ünesc y sce chi fesc "kämpfen" spo un ince a Raas la chance da portè a ćiasa punć.

Bel avisa insciö era stada, i sogudsc che é stá te campo á dè düt y á portè insciö 3 punć a ćiasa, davagnan 1 a 3.

Bel da mëter man dla partida an udü dös beles combinaziuns, danter i dui atacanć Micky y Alexander. Alexander vëgn lancé dala difesa cun en bel pal jö por la fascia, al é bun da passè ite a mez ulache Micky röia adalerch y cun en bel copl de tacco el bunda stlüje le tringolo cun Alexander. Mo le tiro röia dlungia porta ia. La Val á la partida tles mans, le Raas ne é mai prigorusc, ince por mirit dla buna difesa da La Val che mostra en gran senso dla posiziun, cun düć i cater defensurs che é dër conzentrá.

Dô da na cherdora tomel spo le prüm gol por La Val. Cun na bela aziun danter i centrocampisć röia la pala a Micky. Püch fora dl area el bun da se oje y se porte cuntra la porta. Cun en bel tiro sön le palo cürt el bun da bater le portier da Raas. Le rasoterra ne á nia na gran potënza, mo na gran prezijiun. Le portier se tuffa, mo al ne é nia bun da abiné le pal, che röia bel avisa dlungia le palo ite.

10 menüć dedô é spo le arbiter che scinca en rigore al Raas. En atacant se tol la pala y se porta al esterno dl area. Paolo ti vá dô y cun na scivolata abinel le pal, mo le atacant é dër furbo y se sciüra. Insciö tomel ite le arbiter y ti fischia le rigore. Merch vëgn spiazzè.

Mo denant che le prüm tëmp se stlüsc jö é Freddy che porta ćiamò süa scuadra in vantaje. Na pala röia fora dl area, al é bun da cuntrulè y superé le defensur. Cun na bela trata dalunći de ciamp el bun da bater le portier. La pala röia sura le portier ite y bel avisa sot la traveras. En bel gol da lunć de Freddy. Le prüm tëmp se stlüsc jö sön le 1 a 1.

 

Tl secundo tëmp é spo le Raas che mët man da fá plü druch. Mo La Val é metüs dër bun te ćiamp y tres bel conzentrá. Ai á na gran grinta y ne lascia nia passè saurí le aversar. Ince Merch te porta ti da na gran segurëza ala difesa cun sües beles uscites a to jö i pai che röia alć te area. Raas ciafe deplü poniziuns incër l'area ia, mo ai ne é nia prigorusc. La difes é tres buna da trá demez. A mesa le secundo tëmp é spo Micky cun na dopietta che stlüsc jö la partida. Alex fesc en gran lancio da metacampo sö. La pala röia sura la difesa ite, Micky crëi ćiamó sön la pala. Le portier prô da gní fora, mo Micky é bun cun en bel tocco d'esterno da superè le portier cun en palonetto. En grandiscimo gol de Micky che stlüsc jö insciö la partida.

Ti ultimi menüć é le Raas che mët ite ćiamè atacanć, mo La Val é bugn da se defëne cina che le arbiter sciüra la fin dla partida.

  


La partida se stlüsc jö sön le 1 a 3 por La Val. Cun chisc punć davagná se porta La Val al 7° post te tlassifica. Proscima partida é in dumënia ai 14.10.2012 te ćiasa cuntra le Mühlwald.

 

La formaziun titolara: Vallazza Merch, Tavella Thomas, Alton Alex, Vallazza Paolo, Castlunger Marco, Miribung Adrian, Sottara Freddy, Sottara Stefan, Sottara Werner, Miribung Alexander y Frenes Micky.

 

 

Sostituziuns:

Frenes Egon por Miribung Adrian

Steinhauser Elmar por Miribung Alexander 

 

 

Por udëi i atri resultać drüca (ince di atri campionać ulache sogadusc da La Val süga para) drüca: resultać

 

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©