US LA VAL
 
 
     
 

6° part. campionat 2012/13 por La Val

Stampa PDF

3.cat_2012_2013In dumënia 14 de Otober él gnü sughé la sesta partida dl campionat 2012/2013 de  3° categoria por La Val. La partida é gnüda sugada te ćiasa cuntra la scuadra da Mühlwald, che La Val á bel batü dui iadi chësc ann de Copa Provinzia.  

Chësta dumënia ne urora propi nia ester, La Val á sughé por düta la partida, mo ala fina ai impó pordü 0 a 1.

Tratan düta la partida ne el nia stè de gran chancen da fá gol. Suradüt tl prüm tëmp, el ma stè üna na chance por La Val. Le defensur dl Mühlwald passà zoruch massa cürt le pal a so portier. Florian crëi sön la pala al röia adüm cun le portier sön le pal, spo el ćiamò bun da spizuré le pal, mo al röia depüch sura la traversa fora. Le Mühlwald tratan düt le prüm tëmp ne é mai stè prigorus, fora de dui o trëi calci d'angolo, mo gnanca dailó. La scuadra da La Val ê metüda buna te campo. Ince sce i sogadusc da La Val á porvè da fá jüch, ne jera nia da costruí gran chancen da gol. Magari mancial ince en pü che grinta che é gnüda mostrada tl ultima partida cuntra Raas.

Tl secundo tëmp é indô La Val che á le possesso palla. Mo le Mühlwald se cür bun dô ia, ai é prigorusc sön dui calci d' angolo. Ulache Sepl mëss fa döes beles parades por salvè le risultat. Sciöche an á bel udü tl prüm tëmp êl na tipica partida da pareggio. Mo 10 menüć dan la fin saltel fora en rigore por le Mühlwald. I defensursc da La Val ne se capësc nia, insciö röia le defensur cuntra Sepl che vëgn fora in uscita. Le atacant tira inant le pal y Sepl ne abina nia la pala. Le arbiter che ê dër da lunć vëiga che Sepl abina les giames. Mo le portier á dit che le atacant (furbo) se á bel sciuré denant, deache al ne ess comunque nia abiné la pala ćiamò.

Insciö ciafa Sepl le cherta cöcena y Ivan Tschaffert vá spo te porta, mo al ne é nia bun da parè. I ultimi diesc menüć é La Val che mëss sughé in 10. Ai prô da ataché cun deplü defensursc, mo la pala ne ó nia jí te porta.

La partida se stlüsc jö sön le 0 a 1 por le Mühlwald. Cun chisc trëi punć lasciá sön trú resta La Val al 6° post te tlassifica.

 

Proscima partida é in sabeda ai 19.10.2012 fora de ćiasa cuntra le Niederdorf.

 

 

 

La formaziun titolara: Kantioler Sepl, Tavella Thomas, Alton Alex, Vallazza Paolo, Castlunger Marco, Miribung Alexander, Sottara Freddy, Sottara Stefan, Tschaffert Ivan, Rubatscher Florian y Frenes Micky.

 

 

Sostituziuns:

Miribung Adrian por Miribung Alexander

 

 

Por udëi i atri resultać drüca (ince di atri campionać ulache sogadusc da La Val süga para) drüca: resultać

 

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©