US LA VAL
 
 
     
 

7° part. campionat 2012/13 por La Val

Stampa PDF

3.cat_2012_2013In sabda ai 20 de Otober él gnü sughé la setima partida dl campionat 2012/2013 de  3° categoria por La Val. La partida é gnüda sugada fora de ćiasa cuntra la scuadra da Niederdorf che ê ince ti favoríes por davagné le campionat.  

Sughé de sabda porta bun a La Val. Ince chësta sabda esi stá bugn da davagné por 0 a 1 cuntra Niederdorf, meritan por düta la partida i 3 punć.

Dô la burta prestaziun te ćiasa cuntra Mühlwald urô atira i sogadusc da La Val scmuntié y ponsè ai 3 punć indô. 

La ćiampo a Niederdorf ê te condiziun otimales por sughé, ince le tëmp é stè perfet. Bel da mëter man an udü che La Val podô dí la süa. Mo dô da 5 menüć é Merch che se fesc en pü mè. Sön na bela uscita dl portier röia le atacant ados a Merch sön le scenedl. Mo cun na gran grinta él impó stè bun da portè a fin la partida. 

La Val mostra en bel jüch, cun de beles combinaziuns sura düt jö por les fasces. Insciö röia Florian dô da 20 menüć da sú cuntra l'ultimo atacant. Cun na bel finta de corpo el bun da jí dlungia le defensur ia, che se osc y fesc en bur fallo. Mo Florian ne toma nia y vá inant cuntra le portier. Ince chësc el bun da superé. Mo bel avisa canche al ó trá röia en secundo defensur che é bun da evité le gol sön la riga. Sce Florian se éss lascè jí fosl stè rigore por La Val y na espolsiun por "ultimo uomo". 

Le Niederdorf ne é cuaji mai prigorusc, ince deache i sogadusc da La Val á na gran grinta y ne ti lascia nia ponsè dô massa dî. Ai vá atira sön chel che porta la pala y ne lascia nia sughé. Insciö mëssi ma sughé sön lanci y ne tira fora nia. 

La Val cun la pala basa fesc en bel jüch. Deplü bi passaggi röia te area, ulache al mancia ma plü la convinziun da fá gol. Le prüm tëmp se stlüsc jö sön le 0 a 0. 

 

Tl secundo tëmp é La Val che sá che ai pó portè a ćiasa i trëi punć. Insciö mëti ćiamó plü grinta te campo.

Alexander prô da fá en eurogol cun en gran tiro da lunć. La pala se alza y röia bel avisa jö tl incrocio. Le portier mëss jó zoruch y splunda cuntra le palo, mo tan che al é ćiamò bun da devié la pala sura porta fora.

 

Püch dedô él spo Merch che salva le risultat. En atacant ne vëgn nia fermè dala difesa che se porta insciö lateralmente cuntra Merch. Al fesc en gran tiro bas. Mo Merch cun en gran rifless el bun da paré cun le pé.

 

La Val aumentëia spo le ritmo. Insciö nasc ince le gol. Merch passa fora la pala a en defensur. Che fesc spo en bel triangolo cun Freddy. Thomas se porta in sovraposiziun y ciafa indô la pala y lancia spo Alexander jö por la fascia. Alexander mët spo ite en cross de or por Florian a mesa l'area. Al se osc fesc na finta y porta la pala sön le ciamp. Al fesc en bel tiro a giro sön le secundo palo. Le portier pó ma plü ti ciarè dô. En gran gol de Florian!!!!

  

Püch dedô el spo en zentral dla difesa che fesc en bur falo de reaziun sön Florian. Le arbiter ne vëiga nia, mo Florian mëss lascè le campo.

Ince Micky fesc "testen" polito le poriter da Niederdorf. En gran tiro de potënza sön le palo lunch che foss bel avisa jü dlungia le palo ite. Mo cun na gran parada ti dijel de no.

Püch dedô röia spo Ivan dô che al á superé en defensur cuntra porta da sú, mo al ne á nia plü forza por en bel tiro. La pala ti röia bel avisa tles mans al portier.

Ala fin dla partida é le Niederdorf che mët ćiamò ite dui atacanć in plü. Mo La Val é bugn da se defëne, portan insciö 3 punć a ćiasa.  

  

 

Proscima partida é in dumënia ai 28.10.2012 te ćiasa cuntra le Percha che é ultimi te tlassifica cun 0 punć.

  

 

La formaziun titolara: Vallazza Merch, Tavella Thomas, Alton Alex, Vallazza Paolo, Castlunger Marco, Miribung Alexander, Sottara Freddy, Sottara Stefan, Tschaffert Ivan, Rubatscher Florian y Frenes Micky.

 

 

Sostituziuns:

Valentin Elmar por Tavella Thomas

Miribung Adrian por Miribung Alexander

Frenes Egon por Rubatscher Florian

Steinhauser Elmar por Tschaffert Ivan

 

 

Por udëi i atri resultać drüca (ince di atri campionać ulache sogadusc da La Val süga para) drüca: resultać

 

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©