US LA VAL
 
 
     
 

Recupero 8° part. campionat 2012/13 por La Val

Stampa PDF

3.cat_2012_2013In mercui ai 07 de Novëmber él gnü sughé le recupero (sburalda por nëi) dla 8° partida dl campionat 2012/2013 de  3° categoria por La Val. La partida é gnüda sugada te ćiasa cuntra la scuadra da Percha, che é ultims te tlassifica. Mo ai á davagné cuntra Prettau.   

Ince sce al ê en pü frëit y le campo en pü da broja el gnü zughé in chësc iad. La pala ê dër ria da tigni sot a control. Porchël él gnü dit bel dan partida dal alenadú da sughé io bas y nia fá lanci lusc.  

Bel da met man dla partida è Percha che mëss bel fá le prüm cambio, sön en burt contrast de cé, salta adüm Paolo y le atacant. Le sogadú da Percha á la sfortüna y se fesc en gran tai sura l'edl y mëss insciö lascè le campo.

Insciö á ince metü man La Val cun beles combinaziuns bases danter düć i sogadusc. Mo al mancia ćiamò le ultimo passaggio por jí al tiro te porta. La prüm ocajiun da gol é spo bugn i sogadusc da La Val da sfruté. Al vëgn fat en bel passaggio cros ite a mez dala fascia Alexander. La pala pê pordüda, mo Adrian chrëi ćiamò sön la pala y vá cuntra le portier. Le portier vëgn fora y cun en rimpalo en pü fortuné röia inant Adrian, che mëss ma plü apogé te porta. Cun so prüm gol te campionat chësc ann porta Adrian in vantaje La Val por 1 a 0.

Püch dedô el spo Freddy cun en bel passaggio a Alexander che le porta dan le portier. Mo al se arlungëia massa inant le pal, insciö é ćiamò bun le defensur da stlü y devié la pala demez. Le Percha ne é mai prigorusc, ma sön pales inantives proi da sfrutè la grandëza de sü sogadusc. Mo i defensursc da La Val é tres bel conzentrá y ne ti lascia nia la pala.

Ala fin dl prüm tëmp é La Val che mët man da sughé cun pales altes, insciö ne röi nia plü a de beles ocajiuns. Le prüm tëmp se stlüsc jö sön le 1 a 0 por La Val.

Tl secundo tëmp é le Percha che vëgn cun plü grinta te campo. La Val mëss en pü se stlü ia, mo porchël esi bugn cun de beles aziuns veloces de contropiede da ester dër prigorusc. Deplü pales slizia demez por via dl campo lize, scno fosi i atacanć ruvá te porta.

A mesa le scundo tëmp é Ivan che se porta cuntra le portier sön en bel passaggio de Florian. Al é bun da driblé le portier mo la pala sclizia indô demez, insciö röiel massa jö sön le fondo y ne é nia plü bun da trá te porta. La pala röia ite a mez, mo dailó ne él degun compagn.

Ince Alexander röia cuntra le portier, al prô en palonetto mo le portier stá in pé y é bun da parè. Püch dedô é spo Ivan che röia le secundo iade cuntra porta, mo le tiro bas ti röia bel avisa ados al portier.

Percha é ince prigorusc cun poniziuns al limite, mo les pales röia sura porta fora o che Sepl é bun da parè.

Ala fin dla partida é ćiamò Lukas che á dös gran ocajiuns mo i dui tiri röia sura fora.

 

La partida se stlüsc jö sön le 1 a 0 por La Val.

Cun chisc 3 punć davagná se porta La Val al 6° post. 

 

 

Proscima y ultima partida de campionat é in dumënia ai 11.11.2012 te ćiasa cuntra Prettau. Dopo saral ćiamò le retorno ai 17.11.2012 cuntra Gsiesertal. 

  

 

La formaziun titolara: Kantioler Sepl, Valentin Elmar, Alton Alex, Vallazza Paolo, Castlunger Marco, Miribung Adrian, Sottara Freddy, Sottara Stefan, Miribung Alexander, Tschaffert Ivan y Rubatscher Florian.

 

 

Sostituziuns:

Frenes Egon por Miribung Adrian

Valentin Lukas por Miribung Alexander 

Steinhauser Elmar por Rubatscher Florian

 

 

Por udëi i atri resultać drüca (ince di atri campionać ulache sogadusc da La Val süga para) drüca: resultać

 

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©