US LA VAL
 
 
     
 

Ritorno 2° turno de Copa 2012/2013 por La Val

Stampa PDF

copa2012In sabda ai 17 de Novëmber él gnü sughé le ritorno dl 2° turno dla Copa Provinzia 2012/2013 de  3° categoria por La Val. La partida é indô gnüda sugada cuntra la scuadra da Gsiesertal, te ćiasa. Dô la buna prestaziun dl andata a Gsies cun en 1 a 1 é jüs la scuadra da La Val cun en pice vantaje te campo.

    

Ince sce La Val é en pü avantaja deache al ti basta en pareggio savoi che Gsies gnê por davagné, por nia ne esi ince al prüm post te tlassifica.

Tl prüm tëmp ne el stè degünes gran oportunitês, trames döes scuadres ê metüdes dër bun te campo y ne lasciâ nia ruvé dan porta i aversarsc. Gonot gnel sughé bun cina dan area, mo spo el i defensursc che ê bugn da abiné indô la pala. Insciö se stlüsc jö le prüm temp sön le 0 a 0. En resultat che es portè inant de turno La Val.

Mo tl secundo tëmp é Gsies che vëgn tres plü prigorusc. Sepl é bun a mesa le secundo tëmp da tigní le 0 a 0 cun döes grandiscemes parades. En iad sön en bel copl te cé y spo dopo atira sön la ribatüda él stè bun da evité le gol, che foss bel avisa jü tl incrocio.

mo püch dedô sön l'unica dijatenziun dla difesa da La Val ti garetel le gol al Gsies. En bel passaggio röia a mesa la difesa fora le atacant é bun da stoppen y cun en bel tiro dlungia le palo ite fejel gol.

Insciö é La Val che mëss porvè da fa en gol por jí spo direttamente ai rigori.

Ivan é chël che röia plü dlungia. En gran tiro al volo de ciamp sön le prüm palo foss jü ite. Mo le portier é bun cun na gran parada da devié la pala sura porta fora.

Al 95° suzedl spo le miracolo. Düć  i sogadusc se porta dant, Paolo fesc en bel tiro da metacampo sö, le portier da Gsies ne é nia bun da se tigní le pal, insciö röia Florian adalerch y é bun da trá la pala te porta. En gol in extremis che salva La Val. Insciö vara ai rigori.

 

Sepl ne é bun da chirí fora la dërta pert bëgn 3 iadi, mo depüch ne abinel nia la pala. Düć i sogadusc da La Val y da Gsies fesc ite i prüms 5 rigori. Sön le 6 rigore se prejëntel Alexander, mo bel avisa é le portier bun da parè le rigore, dô che al se á tufè sön la dërta pert.

Insciö toma fora La Val de Copa, mo al é zigü stè en bel septacul por le publich che é gnü a ciarè.

 

L' ultima partida de campionat gnará recuperada bunamënter chësc mercui cuntra Prettau a La Val.

 

La foramziun titolara: Sepl Kantioler, Miribung Adrian, Vallazza Paolo, Alton Alex, Castlunger Marco, Miribung Alexander, Sottara Freddy, Sottara Stefan, Tschaffert Ivan, Frenes Micky y Rubatscher Florian.

 

Sostituziuns:

Frenes Egon por Miribung Adrian

Valentin Lukas por Sottara Freddy

Frenes Egon por Miribung Alexander

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©