US LA VAL
 
 
     
 

Recupero ultima part. campionat 2012/13 por La Val

Stampa PDF

3.cat_2012_2013In mercui ai 21 de Novëmber él gnü sughé le recupero (sburalda por nëi) dl ultima partida dl campionat 2012/2013 de  3° categoria por La Val. La partida é gnüda sugada te ćiasa cuntra la scuadra da Prettau, che é penultimi tlassifica.    

Ince sce al ê en pü frëit y le campo en pü da broja y dër lize el gnü mustrè dai sogadusc da La Val na gran partida, la miú partida in chësc ann. La Val á dominé la partida mustran en jüch bas, lascian viaggé le pal da üna na pert al atra. Zigü ince por i tifosi el ince stè na bela partida, cun deplü goi.

Bel da mëter man la partida é La Val che dominëia, beles aziuns danter i centrocampisć che fajô giré dër bun la pala da üna na fascia al atra. Prettau mëss man plü ti ciarè dô ala pala. Mo bel avisa canche La Val dominëia ti garetel en gol fora de nia a Prettau. Ai ciafa na poniziun fora dl area, le tiro röia te porta, mo al rimbalza dan le portier y le portier da La Val ne é nia plü asvelto asá da parè, deache la pala é rimbalzada scnel sön le campo lize. Le pal ti röia bel avisa dlungia le brać ite. En gol dër fortuné por Prettau.

Mo La Val ne se fesc nia a dinfora y süga inant süa partida. Insciö tomel le prüm gol por La Val. Al röia na bela pala a Stefan ite a mez. Cun en bel tiro püch fora dl area el bun da fá gol. La pala röia basa dlungia le palo ite, degüna chance por le portier da parè.

La Val á la partida tles mans insciö, Prettau süga ma plü cun lanci lunć sön so gran atacant (capitan) y pro da fá gol sön contropiede. Mo ince dô ia é i defensurs da La Val tres bel conzentrá y ne ti lascia nia saurí ruvé a conclujiuns. Beles aziuns vëigun ma dala pert de La Val, ai röia a deplü conclujiuns, mo le bun portier da Prettau ne é nia surí da bater. Na puniziun de Micky röia ince püch sura traversa fora, dan che le arbiter sciüra la fin dl prüm tëmp. Le prüm tëmp se stlüsc jö sön le 1 a 1.

 

Tl secundo tëmp él la medema storia, da dominaziun dla scuadra da La Val. Ivan ciafa na bela pala da Freddy, spo el bun da superé dui aversars y ti dé na pala d'or a Micky. Micky sön le fí dl fuorigioco se porta inant la pala y vá cuntra le poritier. Cun en bel tiro bas dlungia le portier ia portel insciö in vantaje La Val.

Püch dedô él spo Florian che fesc so ultimo gol pro La Val, deache chësta é stada l'ultima partida por le atacant da La Val, tla scuadra de só paîsc. Ivan fesc en bel angolo de potënza y preziujiun sön le rigore. Florian se prejentëia puntual sön la pala y cun en bel sinistro interno mëtel la pala sön le secundo palo. Insciö se porta La Val sön le 3 a 1.

Dedô él ćiamò Freddy che sfiorëia le 4 a 1. En bel tiro fora dl area röia bel avisa sön le palo interno, na gran desfortüna por La Val.

Püch dan la fin dla partida vëgnel ćiamò espluso Paolo por soma de amoniziuns. Sön le falo ciafa Prettau na bela posiziun por fá le tiro. Le tiro röia bel avisa dlungia la bariera ia y spo te porta. Insciö se porta Prettau sön le 3 a 2. Tl recupero prô ćiamò Prettau da fá le pareggio, mo i sogadusc da La Val fesc kämpfen cina ala fin y porta a ćiasa insciö 3 punć de or.

 

La partida se stlüsc jö sön le 3 a 2 por La Val.

Cun chisc 3 punć davagná se porta La Val al 5° post adüm cun Lüsen. 

 

 

 

La formaziun titolara: Kantioler Sepl, Valentin Elmar, Alton Alex, Vallazza Paolo, Castlunger Marco, Miribung Adrian, Sottara Freddy, Sottara Stefan, Tschaffert Ivan, Frenes Micky y Rubatscher Florian.

 

 

Sostituziuns:

Frenes Egon por Miribung Adrian

Valentin Lukas por Rubatscher Florian

 

 

Por udëi i atri resultać drüca (ince di atri campionać ulache sogadusc da La Val süga para) drüca: resultać

 

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©