US LA VAL
 
 
     
 

1° part. ritorno campionat 2012/13 por La Val

Stampa PDF

3.cat_2012_2013In sabda santa ai 30 de Merz él gnü sughé, dô che al é stè "spielfrei" la prüma partida dl ritorno dl campionat 2012/2013 de  3° categoria por La Val. La partida é gnüda sugada te ćiasa cuntra la scuadra da Gais.  

Dô la burta prestaziun dl andata cuntra Gais á La Val albü la poscibilité da ti la dè zoruch al Gais.

Ince sce la "rosa" da La Val ne ê nia completa, soradüt tla difesa, é jüs i soagdusc te campo por portè a ćiasa i trëi punć. La scuadra da Gais â ma püć sogadusc da cunësce che â ince soghé tl andata. Ai é ruvá a La Val cun en grüm de jogn.

Bel da mëter man dla partida an udü che la scuadra â atres motivaziun y urô fá resultat. La partida ê ten gran ecuiliber y é gnüda sugada scialdi a mes le campo cun püces chancen. Na gran parada fesc le portier da Gais, sön na ribatüda tratan en calcio d' angolo röia Stefan dan sön la pala, la deviaziun 2 metri dan porta röia bel avisa dlungia le palo ite. Mo le portier é bun da cöie fora le pal cun en gran riflesso. Sepl le portier da La Val é ince bun da salvè le risultat. Al röia ete en bel cross, le atacant da Gais é bun da le spizuré sura le difensur fora. Sepl cun en gran "colpo di reni" el bun da devié la pala sura porta fora, na gran parada de Sepl.

Mo püch dedô él impó Gais che se porta in vantaje. Sön en angolo resta la pala tla picia i defensursc da La Val ne é nia bugn da trá demez la pala, insciö röia le atacant dl Gais sön le pal y fesc en tiro a man ciampa de Sepl, che ne po fá nia. Mo denant che le prüm temp se röia fischel le arbiter en rigore por La Val. Tratan düta la partida gnê Stefan tigní sön i angoli dal defensur. Por fortüna al chësc iade odü le arbiter y á messè insciö fischié. Micky se prejenta sön le rigore y spiazëia le portier. Le prüm tëmp se stlüsc jö sön le 1 a 1.

 

Tl secundo tëmp é La Val che süga plü bun co Gais. Mo indô se porta Gais in vantaje. Na puniziun al limite de gran potënza röia sön le palo de Sepl che ne é nia bun da devié assa la pala che röia dlungia le palo ite.

Mo a mesa le secundo tëmp é spo Micky che fesc le "gioiello". Na bela puniziun al limite el bun da fá ji sura bariera ite y röia bel avisa dlungia le incrocio. Na gran puniziun de Micky che porta La Val sön le 2 a 2. La partida pe insciö stlüta jö, mo ala fin él ćiamò Sepl che salva le risultat. Al é bun da parè en gran tiro sön le palo cürt.

 

La partida se stlüsc jö insciö sön le 2 a 2. Proscima partida é in dumënia a Lüsen dales 16:00.

 

 

La formaziun titolara: Kantioler Sepl, Castlunger Marco, Tschaffert Ivan, Alton Alex, Frenes Egon, Miribung Adrian, Sottara Freddy, Sottara Stefan, Verginer Franzi, Frenes Micky y Miribung Alexander.

  

 

Sostituziuns:

Moling David por Castlunger Marco 

Valentin Lukas por Miribung Alexander

 Rubatscher Romeo por Moling David

 

 

 

Por udëi i atri resultać (ince di atri campionać ulache sogadusc da La Val süga para) drüca: resultać

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©