US LA VAL
 
 
     
 

Reuniun generala 2013

Stampa PDF

CIMG2253L’ Uniun Sport Amatoriala á tigni ai 23 de merz süa reuniun generala anuala. La reuniun generala é stada na ocajiun por ćiarè zoruch al’ativité dl ann passè y por portè dant le program preodü por l’ann corënt.

 

 

Le presidënt Alex Alton á danfora saludé i mëmbri che tol pert ala reuniun por passè spo a tratè l’ordin dl dé. Ala fin dl ann passè pò la uniun mostrè sö 162 scrić ite, de chisc é le 50% sot ai 20 agn.

An é spo passá al’aprovaziun dl cunt consuntîf y dl bilanz de previjiun. Tla relaziun söl’ativité à le presidënt y i caposeziuns referí söles ativitês desvalies. La seziun cun la maiú ativité é chëra dl jüch dl palé. Le numer di sogadus che tol pert ai campionać é de passa 50. Chësta seziun á inće les maius spëises, che pò ma gní curides cun l’aiüt di sponsors. Te chësta ocajiun él gnü ringrazié dütes les firmes y la Cassa Raiffeisen che sostëgn la Uniun. Ringrazié él inće gnü i alenadusc y acumpagnadusc dles scuadres di mituns, che rapresentëia le dagní dl Uniun. L’ativité cun i mituns y jogn á porchël le pëis prinzipal tl program dl’ Uniun.

Pro la seziun dla lüsa él stè Diego Tschaffert ch’á portè dant i punć pinzipai dl’ativité. Al á portè dant i mius plazamënć arjunć chësc ann y l’ann passé dai atleć da La Val. Da recordé é les beles medaies portades a La Val tratan les "Europameisterschaften" da Erlacher Daniela, Erlacher Iris, Miribung Carlo e le campiun europero Diego.

Pro les ativites desvalies él gnü recordè i cursc organisá, a chi ch’al á tut pert passa 163 partezipanć. Dër aprijá é gnüs i cursc por mituns, danter i atri le curs de schi, da nudè y le program sportîf da d’isté. Inće chisc gnará sambëgn indo organisà chësc ann.

Le vizeombolt Jaco Schuen á ince tigní en pice discurs, recordan tan important che l' Uniun dl Sport a La Val é, suradüt por i mituns che ai ais na poscibilité da fa en pü de sport. Iaco à spo ringrazié i funzionars dl’Uniun por le laur che vëgn fat dantadüt por i mituns y jogn. Inće le presidënt á ringrazié l’ vizeombolt por le sostëgn finanziar che vëgn vigni ann conzedü dal comun ala uniun, sides por l’ativité ordinara sciöche inće por i desvalis investimënć che vëgn fać.

Ala fin ti él ćiamò gnü surandé en pice record ai campiuns dla seziun lüsa. A surandé le record el gnü Clara Florian le campiun mondial de lüsa basa, da Lungiarü.

Dô la reuniun á i partecipanć pudü se mangé val y se bere val.

Por ciaré ala prejentaziun drüca sön le link injuntè: prejentaziun

CIMG2254 CIMG2255 CIMG2256-2
 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©