US LA VAL
 
 
     
 

2° part. ritorno campionat 2012/13 por La Val

Stampa PDF

3.cat_2012_2013In dumënia ai 07 de Aurí él gnü sughé la secunda partida dl ritorno dl campionat 2012/2013 de  3° categoria por La Val. La partida é gnüda sugada fora de ćiasa cuntra la scuadra da Lüsen.  

Dô la buniscima prestaziun te amichevola cuntra la scuadra dl Rina é jüs La Val a Lüsen uron mustrè inant le jüch fat ia por l'edema.

Mo sciöche bel preodü ê le ciamp da sughé a Lüsen in stletes condiziuns, porchël ê i sogadusc da La Val nia stá bugn bugn da fa na bela partida. Mo al manciâ zigü ince en pü la grinta che é stada cuntra le Rina. Mo conscidran en pü düta la situaziun, i sogadusc che manciâ el le pareggio 1 a 1 zigü en bun resultat por La Val, che resta imbatüda tl ritorno.

Le prüm gol ti é garatè a mesa le prüm tëmp al Lüsen. Paolo Vallazza intercetëia la pala te area y o la portè fora. Mo ara ti rimbalza spo dopo sön la man che ê pormez al corp. Le arbiter fischia le rigore che ne foss nia stè. Insciö se prejënta le atacant dl Lüsen sön le 11 y spiazëia Sepl. Ince le Lüsen se stënt dër da tigni la pala bassa. Al vëgn ma plü scialdi splundre sö o lancè. Por i tifosi che ciarâ pro el zigü stè na burta partida.

Püch dedô el spo Sepl che salva la porta da La Val. I defensursc da La Val ne é nia bugn da trá fora la pala tl area. Un da Lüsen röia spo adalerch se tol le pal y le spizurëia dlungia le palo cürt. Mo cun en gran riflesso el spo bun da cöie fora la pala. Püch dan che le prüm tëmp se röia ti garetel impo ćiamò le gol a La Val. Freddy intercetëia en lancio de cé, la pala ti röia a Stefan che cun en bel lancio metl Romeo da sú cuntra le portier da Lüsen. Le portier vegn fora y Romeo cun en bel palonetto mëtl la pala te porta. Püch dan che le prüm tëmp se röia el ćiamò Micky che fesc "testen" le portier, en bel tiro sön le incrocio cürt. Mo le portier é bun da parè.

Le prüm tëmp se stlüsc jö sön le 1 a 1.

Tl secundo tëmp á trames dös scuadres la chance da fa ćiamò en gol. Mo al mancia tres le ultimo stop che ne gareta mai, por via dl bur campo. Ince i passaggi ne röia nia a destinaziun. Na bela poniziun de Moling David röia püc zentimetri dlungia la palo ia. Romeo á ince la chance da fa ćiaò en gol. Micky fesc en bel passaggio filtrante, mo Romeo se arlungëia massa la pala y insciö röia fora le portier che é bun da trá demez. Ince le Lüsen á ćiamò na gran chance, le atacant se porta cuntra Sepl, mo spo ne atochel nia la porta.  

 

 

La partida se stlüsc jö insciö sön le 1 a 1. Cun chësc punt davagnè resta La Val al 6° post.

Proscima partida é in dumënia a La Val cuntra i prüms da Gsiesertal dales 16:00.

 

 

La formaziun titolara: Kantioler Sepl, Miribung Adrian, Alton Alex, Vallazza Paolo, Frenes Egon, Verginer Franzi, Sottara Freddy, Sottara Stefan, Miribung Alexander, Frenes Micky y Rubatscher Romeo.

  

 

Sostituziuns:

Moling David por Miribung Adrian

Valentin Lukas por Miribung Alexander 

 

 

Por udëi i atri resultać (ince di atri campionać ulache sogadusc da La Val süga para) drüca: resultać

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©