US LA VAL
 
 
     
 

Secundo derby da Rît 2012/13

Stampa PDF

3.cat_2012_2013

In dumënia ai 21 de Aurí él gnü sughé la cuarta partida dl ritorno dl campionat 2012/2013 de 3° categoria por La Val. Le secundo derby da Rît röia indô fora cun en pareggio. En pareggio dërt por les döes scuadres.  La partida é gnüda sogada fora de ćiasa.

Bel dal andata se al stlüt jö le Derby cun en pareggio. Mo la partida é stada nia massa bela ince por via dl "nervös" a di burć falli udüs.

Mo inier an udü plü na bela partida, nia regolada dal "nervös". Mo i sogadusc á impó mustrè i dënza da trames dös le perts. Le campo te bones condiziuns y la tröpa jënt a ciarè pró a portè a na bela partida.

Bel da mëter man tl prüm tëmp á le Mareo na gran oportunité da se portè in vantaje. Denis Kaneider röia da sú cuntra le portier, mo Sepl da La Val é plü asvelto y cun na bela uscita él bun da ti blochè le tiro al ultimo mumënt. Püchdedô él spo Freddy che cöi jö na pala a mesa le ćiamp y ti la da a Micky. Micky zënza ponsè dô fesc en bel passaggio filtrante por Romeo. Romeo in veolzité é bun da surpasè le defensur Pisching Walter y se porta insciö da sú cuntra Luca Massa. Romeo fesc en bel tiro dlungia ia, mo Massa cun na gran parada é bun da devié la pala cun la man. Na gran parada de Luca che salva insciö le Mareo.

Dô da chëstes döes gran chancen é la partida che vëgn ma plü sogada scialdi a mesa le ciamp. Al vëgn combatü tröp, mo püces oportunitês da fa gol. Sön la pert dl Mareo é Robert che dô na bela combinaziun cürta sön le angolo che se porta ite a mez, mo al crosëia massa da sënn y la pala traversëia düta l'area, mo degügn é bugn dal abiné. La medema oportunité é La Val che á. Dô na bela combinaziun danter Freddy y Alexander se porta Freddy jö sön le fondo, al crossëia ite a mez (mezza altezza) mo la pala traversëia fora düta l'area. Ivan ne röia ne püch nia sön la pala.

Ala fin dl prüm tëmp é ćiamò La Val che prô cun en per de tiri da lunć, mo che röia dlungia porta ia. Le Mareo á ćiamò na chance: Palfrader David fesc en bel dribbling sön le fondo y se porta ite a mez, mo impede la apogé zourch olache al foss stè dui sogadusc bi susc dl Mareo, fejel en passaggio ite a mez, ulache Alex Alton é spo bun da trá demez le pal. Le prüm tëmp se stlüsc jö insciö sön le 0 a 0.

La Val á stlüt jö bun le prüm tëmo, mo da mëter man dl secundo tëmp é Mareo che fesc indô plü "Druck" y La Val mëss se defëne en pü. Mo bel avisa te chël mumënt ti garetel le gol a La Val. Luca Massa passa fora cürt a Andrea. Romeo vá atira a fa pressing, Andrea impede trá demez atira proel da fa en dribbling. Mo Romeo é bun da ti tó la pala se portè jö sön le fondo. Massa prô da gní fora, mo Romeo impede trá te porta passel ite a mez ulache al é Micky. Micky apogëia insciö la pala te porta. Andrea prô ćiamò da salvè sön la riga in scivolata. Mo la pala ti röia bel avisa a mesa le giames fora y insciö te porta. La Val se porta insciö sön le 0 a 1.

Ti ultimi 20 menüć é spo Mareo che prô düt por recuperé la partida. Ai süga cun 4 atacanć. La Val é costretta da se defëne y porvè cun contropiedi. La tatica ti vá bun a La Val, ince sce en per de contropiedi ess podü gní sfrutá damí. Sce i passaggi foss stà en pü plü avisa ess podü stlü jö La Val la partida. Mo sciöche al suzed gonot tl calcio, sce an ne sfrutëia nia les chancen, spo se ciafun le gol. Bel avisa insciö era stada.

5 menüć dan la fin dla partida é Mareo che fesc le pareggio. Al ne vëgn  nia sciuré en fallo netto sön Ivan che urô defëne la pala. Marco salta sö de cé cun en atacant dl Mareo. Trami dui toma dedô jö portera mo le arbiter ti fischia le fallo cuntra La Val, por ciodi ne el degügn che á capí. Robert se porta sön la pala y cun en bel tiro a efetto el bun da giré dô la barriera ia. La pala se porta bel avisa dlungia le palo ite, Sepl ne po fá nia.

 

Insciö se stlüsc jö la partida sön le 1 a 1. En resultat zigü bun por le pice paîsc da La Val, manco bun por le Mareo.

 

Proscima partida é in dumënia ai 28 cuntra la scuadra da Raas dales 16:00 a La Val.


La formaziun titolara: Kantioler Sepl, Castlunger Marco, Alton Alex, Vallazza Paolo, Frenes Egon, Tschaffert Ivan, Sottara Freddy, Sottara Stefan, Miribung Alexander, Frenes Micky y Rubatscher Romeo.


Sostituziuns:

Verginer Franzi por Miribung Alexander

Valentin Elmar por Frenes Egon



Por udëi i atri resultać y tlassifiches (ince di atri campionać ulache sogadusc da La Val süga para) drüca: resultać_tlassifiches

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©