US LA VAL
 
 
     
 

5° part. ritorno campionat 2012/13 por La Val

Stampa PDF

3.cat_2012_2013

In dumënia ai 28 de Aurí él gnü sughé la cuinta partida dl ritorno dl campionat 2012/2013 de 3° categoria por La Val. La partida é gnüda sugada te ćiasa cuntra la scuadra da Raas, che é terzi te campionat.

Dô da cater partides indolater stlütes jö en parité sperâ la scuadra da La Val da concuisté finalmënter la prüma devënta de chëst’ansciüda, sogan la partida te ćiasa cuntra le Raas. Mo ara ne à nia orü ester y la fortüna ne é nia stada dala pert dla scuadra da La Val, che à inće messü soghé gran pert dl secundo tëmp cun n sogadù demanco por l’espulsiun de Michi. Implü s’à Freddy fat mé a na ciaîdla do da na mesora y à messü lascé le ciamp. La partida é stada caraterisada da püces ocajiuns da gol da trames les perts, le risultat plü iüst foss dessigü sté n punt porom por trames les scuadres.

Bele do da na cherdora sëgna i ghesć le gol dla partida sön na trata de puniziun da zirca 25 metri che surpassa le portier da La Val. Le Raas ess ciamò na ocajiun tl prüm tëmp mo en chësc iade se salva Sepl cun l’aiüt dla stangia de porta. La maiù ocajiun por la scuadra da La Val éle Romeo che à, al röia su cuntra le portier mo chësc é bun da devié süa conclujiun.

Tl secundo tëmp à la scuadra da La Val döes de gran ocajiuns por parejé, un n iade cun Romeo che röia indo cuntra le portier y ala fin cun Alex che tira te porta sön n cross da pert de Daniel, cun le portier che é bun da parè. Le Rass ne é tl secundo tëmp nia plü sté bun da se fá prigorus da la porta da La Val.

La partida se stlüsc jö insciö sön le 0 a 1. Cun chëscta sconfitta, resta La Val al 7° post.

 

Proscima partida é in dumënia a Mühlwald dales 16:00.


La formaziun titolara: 1. Sepl Kantioler, 2. Marco Castlunger, 3. Egon Frenes 4. Elmar Valentin, 5. Alex Alton, 6. Stefan Sottara, 7. Alexander Miribung (dal 75. Frenes Daniel), 8. Freddy Sottara (dal 30. Lukas Valentini, dal 80. Miribung Adrian), 9. Romeo Rubatscher, 10. Ivan Tschaffert, 11. Michael Frenes



Por udëi i atri resultać (ince di atri campionać ulache sogadusc da La Val süga para) drüca: resultać

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©