US LA VAL
 
 
     
 

6° part. ritorno campionat 2012/13 por La Val

Stampa PDF

3.cat_2012_2013

In dumënia ai 05 de Má él gnü sughé la sesta partida dl ritorno dl campionat 2012/2013 de 3° categoria por La Val. La partida é gnüda sugada fora de ćiasa cuntra la scuadra da Mühlwald.

Dô da 10 menüć el Mühlwald che fesc na rimessa jö dlungia la bandierina, ara è gnüda der lungia y n sogadú da Mühlwald la spizorëia cul ce y la palla va sura Sepl fora e rüva te porta.  1 a 0 por Mühlwald.  Al 20’ menüt ca el Franzi che rüva jö da area y fesc ite n cross ulache Romeo ciafa la palla mo al vëgn tigni da n defensur da Mühlwald y spo ne el nia bun da tra cuntra porta: al foss ste rigore netto.  5 menüć dedô el spo dal atra pert Alex che è bun da ti to la palla an sogadú de Mühlwald te area… chësc toma ia pur tera presc dasú y l arbitro ti da n rigore che ne é nia, mo l sogadú da Mühlwald tira l rigore dlungia porta ia.

Püc dedô el La Val che ciafa na punizione al limite. Al è Ivan che tira bel bas y angolè, mo le portier aversar cun na gran parada è bun da devié in angolo. Ciamò tl prüm temp el La Val che retlamëia dui rigori sön Marco e Romeo, mo ince in chësc iade el l arbitro che ne vëiga nia. La Val à sughe n bel calcio tl prüm temp da punse ince te ci condiziuns che l campo ê y ai se ess zigu miritè almanco l pareggio.

Tl scundo tëmp mët man bun la scuadra da La Val. Ince sce ai ne à nia de gran ocajiuns. L’ arbiter sciöche bele tl prüm tëmp sciüra düt ma a favore de Mühlwald y insciö el i sogadusc da La Val che vëgn bel plan nervösc. Dô da n cher d ora el spo l prüm cambio:  Aderian vëgn ite imped Marco. La partida tl secundo tëmp ne è nia bela da ciare pró y ara vëgn tres interrotta dal arbiter che sciüra vigni picera cosa. Mo ma pur la scuadra da Mühlwald.  E de conseguënza ne vëigun gnanca de gran ocajiuns da gol, aparte n per de tiri dalunć che i dui portiers è bugn da pare sauri. Dô da na mesora el spo Lukas che vëgn ite impede Alexander.  La scuadra da La Val pro da fa so jüc mo al ne ti gareta nia cis. Ince deache i sogadus dla scuadra avversaria süga n bur calcio y tira tres demez la palla. L’ arbiter sciüra düt cuntra la Val y insciö el n per de sogadusc da La Val che mët man (giustamente) da protestè y se ciafa n per de chertes gheles. Verso la fin el spo n sogadu de Mühlwald che fesc na burta entrata sön Egon. Dal nervös fejel n fallo de reaziun y ti da n pic stlaf a so avversario. L arbiter vëiga y ti da la cherta cöcena a Egon. Al 90 fesc La Val ćiamò l ultimo cambio: Elmar Steinhauser vëgn ite impede Franzi. La Val pro ćiamò cina al ultimo da arjunj l pareggio. L’ ultima ocajiun è de Stefan tl recupero. Sön n angolo el Stefan che abina la palla de ce y chësta va püch dlungia porta ia. Dedô el l arbiter che sciüra la fin.


La partida se stlüsc jö insciö sön le 1 a 0. Cun chëscta sconfitta, resta La Val al 7° post.

 

Proscima partida é in dumënia a La Val cuntra Niederdorf che é secundi te tlassifica, dales 16:00.

 


La formaziun titolara: Sepl te porta, t difesa Egon, Alex, Paolo e Elmar, a centrocampo Stefan e Ivan centrali, sols fasces Marco y Franzi y attacco Alexander e Romeo

 


Por udëi i atri resultać (ince di atri campionać ulache sogadusc da La Val süga para) drüca: resultać

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©