US LA VAL
 
 
     
 

7° part. ritorno campionat 2012/13 por La Val

Stampa PDF

3.cat_2012_2013

In dumënia ai 12 de Má él gnü sughé la setima partida dl ritorno dl campionat 2012/2013 de 3° categoria por La Val. La partida é gnüda sugada te ćiasa cuntra la scuadra da Niederdorf che é secundi  te tlassifica.

Da mët man dla partida se stënta n pü la scuadra da La Val y Niederdorf, dô da 10 menüć a na gran ocajiun. L atacant de Niederdorf ciafa n lancio da meta campo e rüva sú dan l portier. Mo Sepl in uscita è bun da parè. La scuadra da Niederdorf fesc inant druck y sön na trata da fuori area el Elmar che se ciafa l pale avisa ados a n brać. L arbitro sciüra rigore che l atacant fesc ite. 1 a 0 por Niederdorf dô da 15 menüć. L allenatore da La Val se lascia sö cul arbitro pur l rigore y inscio vëgnel desgort dal campo. La scuadra da La Val ne se lascia nia sciure jö e fesc inant so jüch…mustran n bel calcio. Dô da 25 menüć él Alex sön n angolo che abina l pale de cé mo al fala la porta de püch. Sëgn el ma plü La Val che süga y ai vëgn tres plü prigurusc. Cis sön i calci d angolo se stënta Niederdorf y avisa dan angolo garetel l’ pareggio d La Val cun Alex dô da 35 menüć. L pale atraversëia düta l area y Alex è le plü asvelt da ruvé sön le pale y de “punza” fejel l 1 a 1. Niederdorf ne süga nia n bel calcio…al è tres ma i centrocampisti che pro cun lanci sura la difesa da La Val ite da abiné i atacanć. Mo casc ne ti gareta nai cis bun. Insciö se stlüsc jö le prüm tëmp ulache le pareggio è zigü le resultat plü jüst.

Tl secundo tëmp mët indô man la scuadra da Niederdor miu y bele do da püć menüć ai dös de gran ocajiuns. Trami dui i iadi vëgnel ite n cross che l atacant abina de cè, mo por furtüna ne atochel de püch nia la porta. La Val bel plan mët indô man da fa so jüch y casc ti gareta bun. Dô da 15 menüc él Ivan che fesc n lancio da meta campo pur Romeo. L difensur dl Niederdorf por l anticipè ol ti de zruch le pale de cé al portier mo chisc dui ne se capësc nia y insciö el l pale che rüva te porta. 2 a 1 por la scuadra da La Val. L vantaggio pur La Val è zigü mirité. La Val süga inant bun y Adrian ess na gran ocajiun pur stlüj jö la partida. Ivan fesc dribbeln n per de defensurs dla scuadra aversaria y ti pasa l pale a Adrian te area. Al tira n per de zentimetri dlungia porta ia. Dô da 25 menüć el spo Niederdorf che fesc l pareggio. Sön l solito lancio el l atacant bun da ti sciampè ai difensurs. Sepl pro ćiamò da gni fora de porta mo l atacant tira l pale dlungia Sepl ia y fesc insciö l 2 a 2 a porta öta. Dô da mesora él spo Niederdorf che ciafa na punizione al limite…le pale va avisa tl incrocio y Sepl cun na gran parada è bun da devié in angolo. Sëgn el trames les scuadres dër lunges y al gareta ocajiuns da trames les perts. Mo les mius ocajiuns à ćiamò la scuadra da La Val. A 5 menüć dala fin tira Ivan na punizione…le portier sta ma a ciarè pro le pale minan che al jiss fora. Indere le pale ciafa na strana traiettoria y abina l palo. Ti ultimi menüć el ćiamò la scuadra da La Val che fesc druck y sön na mischia te area el Alexander che vëgn antizipé al ultimo mumënt da n defensur. La partida se rüva in paritè…ince sce La Val se ess mirité val deplü mustran n bel calcio.


 

Cun chësc punt davagné, resta La Val al 7° post.

 

Proscima partida é in dumënia cuntra Percha, dales 16:00.

 


La formaziun titolara: Sepl, Alex, Paolo, Elmar, Marco, Stefan, Ivan, Aderian (dal 80˚ Lukas), Franzi, Alexander, Romeo

 


Por udëi i atri resultać (ince di atri campionać ulache sogadusc da La Val süga para) drüca: resultać

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©