US LA VAL
 
 
     
 

8° part. ritorno campionat 2012/13 por La Val

Stampa PDF

3.cat_2012_2013

In dumënia ai 19 de Má él gnü sughé la otava partida dl ritorno dl campionat 2012/2013 de 3° categoria por La Val. La partida é gnüda sugada fora de ćiasa cuntra la scuadra da Percha.

La scuadra da La Val à messü afrontè la trasferta a Percha cun 11 sogadus arcumpedà y inće l’alenadù ê scualifiché. Mo impò ess la scuadra albü la poscibilité da se portè a ćiasa almanco n punt, le resultat de 3 a 1 ne corespogn nia al andamënt dla partida, cun le Percha ch’à segné dui goi ti ultimi menüć coion la scuadra da La Val sbilanciada inant dui iadi en cuntrapé.

Le prüm tëmp è stè scialdi ecuilibré, cun i pustri che à la prüma ocajiun mo Sepl è bun da parè sön n atacant rové su dan da vël. La Val respogn cun na trata dal limit de Ivan deviada al ultim momënt te ciantun da n difensur. Romeo röia spo su cuntra porta mo al tira de püch dlungia ia. L’ultima ocajiun é di pustri che atoca la stangia de porta.

Tl secundo tëmp sozedel spo deplü. La prüma ocajiun é por la scuadra da La Val cun na conclujiun de Franzi che vëgn deviada te ciantun dal portier. Do na cherdora passa i pustri en vantaje: sön n cross é n atacant bel su dan porta é sëgna cun na conclujiun de cé. Le Percha resta spo en 10 por l’espulsiun de n sogadù do la secunda cherta ghela. La scuadra da La Val à spo na gran ocajiun por parejé sön na trata dai ünescmetri conzedüda por n fal de man t’area, mo le portier para la conclujiun de Michi. Do na mesora ciafa la scuadra ladina le secundo penalty (por n fal te area sön Alex), chësc iade prô Ivan da trasformè y al sëgna le gol dla parité. Sëgn pro la scuadra da La Val da davagné la partida cun n sogadú implü y se sbilanciëia massa dant. Sön döes aziuns de cuntrapé sëgna le Percha dui goi che ti assigurëia la devënta dla partida. Ti menüć de recuper atoca ciamò Stefan la stangia de porta.

 

Cun chësc punt davagné, resta La Val al 7° post.

 

Proscima partida é in dumënia cuntra Olang a La Vale, dales 16:00.

 


La formaziun titolara: La Val: 1. Sepl Kantioler, 2. Elmar Valentin, 3. Alex Alton, 4. Paolo Vallazza, 5. Marco Castlunger, 6. Franzi Verginer, 7. Stefan Sottara, 8. Ivan Tschaffert, 9. Alexander Miribung, 10. Michi Frenes, 11. Romeo Rubatscher.

 


Por udëi i atri resultać (ince di atri campionać ulache sogadusc da La Val süga para) drüca: resultać

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©