US LA VAL
 
 
     
 

Prüma partida ofiziala por La Val

Stampa PDF

3.cat_2012_2013

In sabeda ai 24 de agost él gnü sughé la prüma partida dla Copa Provinzia 2013/2014 de 3° categoria por La Val. La partida é gnüda sugada te ćiasa cuntra le Aicha, scuadra tumada jö dala 2 categoria.

La scuadra de ciasa, alenada dal nü alenadù Claudio Floriani lascia udëi en bel jüch, mo mëss se acontentè cun n punt sù.

Bele do da püc menüc éle la scuadra che pasa in vantaggio. Sön n bel lancio de Micky él Alex E. bun de se mët jö la pala y da trà atira cuntra porta denant co gnì antizipé dal defensur aversar.

La scuadra de ćiasa fej n gran druch sön les fasces y lascia udëi de beles combinaziuns. A mez le prüm tëmp éle Emanuel Dorigo (sogadù nü pro la scuadra da La Val) che ciafa n bel cross da Micky y tira n bel tiro al volo che ti röia bel avisa tles mans dl portier. Püch dedo éle Alex che ti sciampa al defensur aversar y mët n bel cross cuntra porta che vegn devié dal portier y ti röia bel avisa sön le brac indô a Dorigo che deviëia insciö le pal te porta , chësc gol ti vëgn annulè dal arbiter. Püch do éle ciamò Marco che fej n bel tiro/cross che rüia avisa sön la stangia de porta.

A mez le prüm temp éle le Aicha che ciafa coraje y mët man de fa n gran druch y fej insciö le gol dl 1 -1. Le sogadù dl Aicha é pié ia bel sù da mez ciamp sënza gnì tignì sö y à insciö pudü trà n bel tiro che röia püch sot al incrocio dla porta da La Val.

Le secundo tëmp mët man bun pur la scuadra aversara che fej n gran pressing y é buna plü iadi da ruvé sö dan porta. Insciö ti vëgnel ince tosc conzedü n rigore ala scaudra dl Aicha, n atacant che rüia te area vëgn metü jö cun n fallo da pert dl defensur da La Val. Sepl vëgn spiazzè cun na bela trata dai önesc metri y insciö se porta la scuadra aversara sön l 2 -1. copa2012

Do da chësc episodio éle la scuadra de ciasa che se descëda indo y röia plü iadi dan porta, mo i atacanc ne é nia bugn da jì a conclujiun y abiné da abiné le pareggio. Üna dles plü granes ocajiuns é stada de Micky che ciafa n bel preparativ da pert de Alex E. a 7 metri dala porta, mo le pal rüia de tröp sura porta fora. Atres ocajiuns éle ince ciamò Alex E. Y Marco che à albü, trami é ruvà dan porta mo i tiri é trami ruvà de püch dlungia le palo ia.

La nervosité da pert dles döes squadres se fesc sintì y insciö él l arbiter che mët man de partì fora gheles pur falli y protestes ruvan ince a sciüré fora n sogadù dl Aicha pur dopla amoniziun.

Al 80º menüt éle Stefan che ciafa n pasaje da pert de David y cun n tiro de pröma rüia le palon avisa sön le palo lunch.

La partida pe uramai ruvada mo La Val ne lascia nia do y chira le gol dl pareggio. Al ultim menüt dala fin éle Alex E. che röia tl'aria aversara y vëgn falcè da n defensur, le arbiter sciüra y ti conzed la trata dai önesc metri por La Val.

Micky tira le rigore mo le portier aversar é bun de rebat le tiro che ti röia zeruch sön i pisc de Micky, al à insciö ma plü bria dl apogè te porta.

La partida se stlüj jö sön le 2 – 2. N bel jüch cun tröpes aziuns da pert dla scuadra da La Val an pudü udëi, manco la determinaziun dan la porta aversara. La partida de ritorno gnarà sugada ai 11 de setember a Aicha dales 20:00.

 



La formaziun titolara: Sepl Kantioler, Marco Castlunger, Paolo Vallazza, Alex Alton, Werner Sottara, Freddy Sottara, Max Nagler, Micky Frenes, Stefan Sottara, Alex Elzenbaumer y Emanuel Dorigo.

 

Sostituziuns:

David Moling por Emanuel Dorigo

Felix Nagler por Max Nagler

Egon Frenes por Werner Sottara


 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©