US LA VAL
 
 
     
 

1° partida de campionat

Stampa PDF

3.cat_2012_2013

In dumënia ai 01 de setëmber él gnü sughé la prüma partida de campionat 2013/2014 de 3ª categoria por La Val. La scuadra mët man l' andata ite a Sexten cuntra la scuadra de ćiasa.

Do le pareggio de Copa Provinzia cuntra l'Aicha, mëss gni La Val zeruch a ćiasa a mans ötes. La scuadra de Floriani ne röia prësc düt l' prüm tëmp nia te partida y mëss se parè dal gran druch da pert dl Sexten.

Ai sogadusc da La Val ne ti garetl degüna ocajiun da gol tl prüm tëmp, ma n per de tiri che rüva de tröp sura porta fora. An vëiga che i sogadus é squilibrà te ciamp, la conzentraziun mancia cotan y tröc pasaji y lanci ne röia nia a bun fin.

Le Sexten n é nianca dër prigorusc dan porta, mo ala fin dl prüm tëmp ti garetl le gol dl 1 a 0. Te n gran cajin te area éle n sogadù da La Val che rebat fora de cé, mo le pal ti röia bel avisa a n atacant al limite, chësc tira bas mo le pal vëgn devié dan defensur, insciö ti rüiel le pal a n atacant aversar che pò le passè a n sò cumpagn, chësc pò insciö apogè le pal te porta.

Le prüm tëmp se stlüsc jö sön le 1 a 0 por Sexten.

Le incorajamënt da pert dl alenadù Floriani amesa i dui tëmsc ne à jovè cis tröp pur la prüma pert dl secundo tëmp. La scuadra aversara lascia udëi n bel jüch y rüia ince plü gunot dan porta. Bele do da püc menüc ti garetl le radopl ala scuadra dl Sexten, sön na puniziun bindebo dalunc éle le portier da La Val che se chërda le pal, mo por desfortüna ne éle nia bun da se apié la cogura che ti röia spo sön i pisc dl aversar che mët le pal te rëi.

Do chësc episode éle la scuadra da La Val che se descëda y mët man de ragionè y ò desmustrè val deplü. I atacanć é bugn da tignì sö le pal y insciö éle ince la scuadra che se alza deplü. La prüma gran ocajiun da gol éle Micky che tira fora cun n gran tiro, mo le pal röia sön l palo lunch.

A sbloché definitivamënter chësc burt mumant éle Micky. Sön na puniziun éle bun da ti trà le pal a n aversar te barriera che le sfiorëia y spiazzëia insciö sò portier.

Püch dedô éle ciamò Micky che à na gran ocajiun dan porta, ël é bun de se mët jö le pal y da jì cuntra le portier mo se sbilanciëia y röia a conlujiun abin mal la pala.

La scuadra da La Val les pro ciamò dütes pur pareggè mo ara ne ò nia ester.

Dan sciuré la fin dla partida éle ciamò le arbiter che sciüra fora n sogadù aversar a gauja de n burt fallo sön l defensur Paolo Vallazza.

La partida se stlüsc jö sön le 2 a 1 por le Sexten. Proscima partida é in dumënia te ćiasa cuntra le Percha.

 

 


La formaziun titolara: Sepl Kantioler, Marco Castlunger, Paolo Vallazza, Alex Alton, Werner Sottara, Max Nagler, Freddy Sottara, Stefan Sottara, Micky Frenes, Alex Elzenbaumer y Alexander Miribung.

 

 

Sostituziuns:

David Moling por Max Nagler

Felix Nagler por Werner Sottara

Elmar Valentin por Alexander Miribung

 


Por udëi resultać drüca: resultać


 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©