US LA VAL
 
 
     
 

Andata 2° turno Copa Provinzia 2013/14

Stampa PDF

copa2012

In mercui ai 02.10 él gnü sughé l'andata dl 2° turno dla Copa Provinzia 2013/2014 de 3° categoria por La Val. La partida é gnüda sugada a Vahrn cuntra la scuadra da Neustift. Chësta é na nöia scuadra tl girone C, gnüda baratada cun la scuadra da Lüsen che süga da chësc ann tl girone B.


 

Por chësta partida recuperëia la scuadra da La Val ince 2 sogadus che é stà infortunà y à msè stè fora por plü di, al se trata de Ploner Martin y Miribung Adrian. In plü éle stè Marco Rossini, sogadù nü dla scuadra da La Val, che à sughé süa prüma partida cun la nöia scuadra.

Jì a Vahrn a tò 3 punć foss sigü stà de öga por la scuadra da La Val, mo i sogadus ladins mëss se accontentè cun le resultat de 0 a 0; N bun resultat sce an analizëia plü avisa l'andamënt dla partida.

La partida mët man y i sogadus da La Val süga bun le pal y se posizionëia bun te ćiamp. Na bela ocajiun à Freddy, che amesa le prüm tëmp ciafa le pal al limit dl'area, mo le tiro de ćiamp röia de püch dlungia le palo ia. Atira dedô éle ince Adrian che prô de bat le portier cun n beltiro, mo chësc röia de püch sura porta fora. I aversars lascia udëi n bel jüch bas y röia ince te area, mo i defensurs da La Val é scialdi bugn de i tignì sö. Dan che le prüm tëmp se rüves éle ciamò Adrian che se fej mè sön na uscita dl portier, al ne é nia plü bun de sughè inant y mëss insciö gnì baratè fora. Dër sciode por le sogadù, apëna rientrè da n infortunio ala ciaidla.


Le prüm tëmp se röia sön le resultat de 0 -0.


Da mëter man le secundo tëmp éle le Vahrn che ciafa plö coraje y mët man da fa n gran druch, la scuadra da La Val se stënta a se arlungé. Ince sce i aversars röia gonot dan porta é i defensurs bugn a val moda de antizipé i atacanc y sughé fora le pal, an vëiga che i sogadus da La Val crëia tl gol, ai ne la dà nia sö y combat inant. Na gran ocajiun é Vahrn che à, sön na puniziun al limit dl'area éle le pal che atocha le palo alt dla porta y va fora, na gran fortüna por La Val. Le resultat ne se sblochëia nia y i sogadusc da La Val se stënta a pié ia cun le pal ia port tera, ai mëss aretrè y se piazè plö defensiv a defënn.

A püc menüc dala fin é ciamò Manuel S. che ciafa le pal sön n lancio de Micky te area, al é bun dl controlè y vëgn sburlé ia por tera, le arbiter ne sciüra nia le rigore che foss stè.

Atira dedô sciürel la fin dla partida che se stlüj jö sön le 0 a 0. N punt important por la scuadra, che pò insciö se preparè bun ala partida de ritorno.

 

La partida de ritorno gnarà sugada ai 16 de novëmber sön le ciamp dl sport a La Val.

La proscima partida de campionat por La Val é in dumënia ai 06.10 dales 15:30 te ćiasa.

 


Formaziun titolara: Sepl Kantioler, Martin Ploner, Paolo Vallazza, Werner Sottara, Egon Frenes, Adrian Miribung, Romeo Rubatscher, Freddy Sottara, Marco Rossini, Micky Frenes, Alexander Miribung


Sostituziuns:

Alex Elzenbaumer por Adrian Miribung (45^)

Alex Alton por Martin Ploner (50^)

Manuel Stampfer por Alexander Miribung (60^)

Marco Castlunger por Marco Rossini (60^)

Stefan Sottara por Freddy Sottara (70 ^)


Alenadù: Floriani Claudio


Por odëi i resultać de Copa dles atres scuadres drüca resultać

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©