US LA VAL
 
 
     
 

8ª partida campionat 2013/14

Stampa PDF

foto_scuadra

In dumënia 20 de Otober él gnü sughé la otava partida dl campionat 2013/2014 de 3ª categoria por La Val. La partida é gnüda sugada te ćiasa cuntra la scuadra da Mühlwald, posizionada al terzo post te tlassifica, do la scuadra da La Val.

 

 

 

Te na partida combatüda fina ala fin é la scuadra da La Val stada buna da se assiguré trëi punc mirità cuntra le Mühlwald. La scuadra pustra à soghé tratan döta la partida cun gran dezijiun, meton te deplü momenc sot a druch la formaziun de Floriani.

La partida mët man cun na spordüda dan la porta da La Val cun na dejatenziun de Sepl y le palé che röia de püch dluniga porta ia. Mo spo él defata la scuadra da La Val che se porta inant y à döes de bunes ocajiuns, intrames cun Alex E.. Impröma prôel na trata al jore sön n bel cross de Emanuel, y püch plü tert ne atochel nia indertöra le palé, do che al é rové ala contlujiun da na buna posiziun te area; insciö falel trami i iadi porta. Sön na trata dal ciantun él spo Stefan che fala de püch la porta, cun na contlujiun de cé. Le Mühlwald se fej ince prigorus scialdi cun trates da dalunc, y spo retlamëia i sogadus pustri n önescmetri por n fal te area, mo l'arbiter lascia jì. Püch dan la mesora passa spo la scuadra da La Val in vantaje, cun n bel gol de Emanuel: do na combinaziun cun Michi röiel te area y bat le portier cun na trata sterscia y ne ti lascia degüna poscibilité da parè.

 

Le pröm tëmp se stlüj jö sön le resultat de 1 a 0 por La Val.

 

Tl secundo tëmp mët la scuadra da La Val man dër bun, mo le secundo gol n'ò nia garatè: impröma sciampa Emanuel söl fì dl forajüch sù cuntra porta, mo al fala jö. Michi tira spo püch dlungia porta ia da posiziun angolada, la defenjiun pustra vëgn plü iadi sogada fora y metüda in dificolté. Do mez le secundo tëmp él spo le Mühlwald che aumentëia le druch y la scuadra da La Val se lascia druché scialdi zoruch; al é da se temëi che do les ocajiuns falades se ciafon le castighe. Mo por fortüna ne se averëia nia chësta vedla regola dl jüch dl palè, y la scuadra de Floriani concuistëia süa sesta devënta te chësc campionat.

 

Le arbiter sciüra la fin dla partida sön le resultat invarié de 1 a 0 por La Val, Insciö resta la scuadra de Floriani al 2° post de tlassifica.

 

La proscima partida por La Val é in domënia ai 27 de otober dales 14:30 te ciasa cuntra la scuadra da Aicha.

 

 

Formaziun titolara: Sepl Kantioler, Elmar Valentin, Marco Castlunger, Alex Alton, Paolo Vallazza, Freddy Sottara, Micky Frenes, Stefan Sottara, Alex Elzenbaumer, Alexander Miribung y Emanuel Dorigo.


Sostituziuns:

 

Werner Sottara por Micky Frenes

Manuel Stampfer por Alex Elzenbaumer

Adrian Miribung por Alexander Miribung

Romeo Rubatscher po Adrian Miribung

 



Alenadù: Floriani Claudio

 

Por udëi i resultać de chësta dumënia de campionat drüca: risultati.pdf

Do la devënta de copa, chësc ultim mercui ai 11/09 cuntra le Aicha, é la scuadra da La Val buna de purtè a ćiasa 3 punc importanc. Na partida dër sintida, suradüt por l'alenadù Floriani che à alenè la scuadra dl Niederdorf por 2 agn.

I sogadusc da La Val röia sön le ćiamp cun na gran grinta y bele do da püc menüc tomel le gol dl 1 a 0. Sön n angolo éle Alex E. che ciafa le pal al limit dl' area y cun na bela trata sot la traversa portel la scuadra da La Val in vantaje.

A mëz le prüm tëmp éle Emanuel bun de radopié le resultat, sön n assist de Alexander éle bun de se controlè le pal, cun na gran finta ti sciampel al defensur aversar y cun na trata basa batel le portier.

I atacanć da La Val é bugn de tignì sö le pal y cun de beles combinaziuns esi bugn de ti sciampè plü iadi ala defenjiun aversara, mo sënza ester bugn de ji a conclujiun.

Püch dedo éle ciamò Micky che à na gran ocajiun, sön n bel preparativ röiel te area al dër mumënt, mo le tiro röia de püch sura porta fora.

Dan che le arbiter sciüra le prüm tëmp éle ciamò n atacant dl Niederdorf che abina de cé la stangia de porta sön na trata dal angolo.

Le prüm tëmp se stlüj jö sön le resultat de 2 a 0 por La Val.

Le secundo tëmp mët man cun n gran druch da pert dl Niederdorf, i sogadusc da La Val se stüda ia y se lascia fracé dala scuadra aversara.

Cun de beles aziuns röia la scuadra aversara deplü iadi dan porta y i sogadusc da La Val mëss aretrè y se parè cun dötes les forzes. Cun le gran assedio da pert dl Niederdorf garetl tosc le gol dl 2 a 1.

Sön n lancio éle dui defensurs che ne se capësc nia y röia a saltè adüm sön le pal che vëgn insciö spizoré y ti röia bel avisa al atacant aversar che cun n tiro bas é bun de bat le portier da La Val.

La nervosité crësc y la lucidité da do, i sogadusc mëss purvè a düc i cosć da defëne le resultat. Cun le gran laur de Emanuel che và a recuperè n grüm de pai sciurà demez y tëgn insciö sö le pal por che la scuadra pois se arlungé, ti garetl la dopietta al 82ˆ.

Sön n cross da na pert éle bun de se mët jö le pal de piet y cun na bela trata de ciamp sön le palo lunch siglëiel le resultat dl 3 a 1.

Al mancia ma plü püc menüc ala fin y i sogadusc da La Val stà plö defensiv por defënn le resultat.



Püch dedo él le arbiter che sciüra la fin. La partida se röia sön le resultat de 3 a 1 por La Val.

Cun chisc 3 punc davagnà se porta La Val al 3º post de tlassamënt.

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©