US LA VAL
 
 
     
 

9ª partida campionat 2013/14

Stampa PDF

foto_scuadra

In dumënia ai 27 de Otober él gnü sughé la nona partida dl campionat 2013/14 de 3ª categoria por La Val. La partida é gnüda sugada te ćiasa cuntra la scuadra dl’Aicha che é tomada jö te categoria l’ann passè y che La Val à bel incuntè al prüm turno de Copa Provinzia de chësc ann.

 

La partida é gnüda sugada plö adora co sënza, plö avisa dales 14:30 por via dl’ora che é gnüda cambiada, les proscimes gnarà inće sugades da chësta ora.

Chësta dumënia arjunj la scuadra da La Val cun mirit süa setima devënta dl’andata de campionat, la scuadra lascia udëi na bela prestaziun sön le ćiamp de ćiasa y davagna cuntra le Aicha por 3 a 0. N bel giulan ti và dandadöt ai sostignidus dla scuadra da La Val, cheti dà vigni dumënia na gran motivaziun y carica ai sogadus por sughé!


La partida mët man y atira é La Val che se lascia udëi, i sogadus é posizionà bun y tira fora atira de bunes ocajiuns. Öna de chëstes toma bel do da püc menüć, Werner S. ciafa n bel pal amesa l’area mo ël röia scordiné sön le pal y ne é nia bun insciö de abiné la porta.
I sogadus conzed püch ai aversars, mo i pai davagná ne vëgn nia gestis bun y le arbiter sciüra insciö n gröm de fuorigiochi.
A mez le pröm tëmp é spo Dorigo che segnëia le gol dl 1 a 0. Sön n fallo de man te area da pert de n defensur aversar sciüra le arbiter le önescmetri. Emanuel tol le pal, se prejënta dan le portier y siglëia le gol dl vantaje.
Al ne passa nia tröc menüć che le medemo Dorigo ciafa na ocajiun d’or. Alex E. é bun de recuperè le pal sön la fascia y crossëia ite amez, le pal ti röia bel avisa sön le pé a Dorigo mo le tiro vëgn parè cun n gran riflesso da pert dl portier aversar.



Püch dô él le arbiter che sciüra la fin dl prüm tëmp, i sogadus và a palsè sön le resultat de 1 a 0 por La Val.



Al é indo la scuadra da La Val che detëia i ritmi tl secundo tëmp, i sogadus da Aicha se stënta da sughé y da jì a contlujiun. Inće sce al é La Val che à la partida tles mans regnëil nervosité te ćiamp y insciö él ince le arbiter che pêrd le control dl jüch.
Sön n fallo de Dorigo jö sön le fondo dl’area éle le arbiter che vëiga na simulaziun y ti mostra insciö la cherta ghela, Emanuel se lascia insciö sö y l’arbiter ne pënsa nia sura dui iadi a ti mostrè la cherta cöcena.
Le Aicha pò insciö se purmët de mët ite n atacant implü y la scuadra da La Val mëss insciö aretrè a defënn.
Le laûr dl’atacant sù Rossini Marco, gnü te ćiamp a mët man dl secundo tëmp impede Werner S., dà n gran contribut ala scuadra, al é bun de tignì sö le pal y tira inće fora de gran ocajiuns.IMG_38631
Al ciafa le pal püch sura mezćiamp y tira n gran tiro che röia sön la stangia de porta, le pal ti röia spo sön le pé a Alex E. che carichëia le tiro cun potënza, mo por gran desfortüna röia chësc bel indemo sön la stangia.
I sogadus da La Val resta inant conzentrà y ne fej nia rovè i sogadus da Aicha dan porta, i tiri da dalunc röia scialdi dlungia porta ia y sno éle le portier Sepl K. che è bun de i parè. L’ocajiun dl 2 a 0 é Alex E. che à, sön n bel tiro da pêrt de n atacant da La Val él le portier aversar che ne é nia bun de se tignì le pal tles mans, Alex é pronto de jì lassura mo le tiro röia indô sön la stangia de porta.

Püch dô é le arbiter che ti mostra la cherta cöcena a n sogadù dl Aicha por protesta, insciö é le numer di sogadus sön le ćiamp indo anfat sciöche denant. Sciöche an à udü é la porta aversara strinada y ara ne va nia da stlü jö chësta partida. Le resultat resta sön le 1 a 0 fina a 10 menüć dala fin, mo a stlü jö definitivamënter la partida é spo Rossini che pënsa. Sön na bela combinaziun danter Egon y Micky ciafel n bel assist y röia sù dan porta y cun n bel tiro bâs batel le portier. Al ne passa nia tröp tëmp che al fej tumè le terzo gol, cun gran furbizia éle bun de recuperè le pal a mezćiamp y cun na gran ripartenza pôl jì insciö sù cuntra le portier, Marco R. indere ti scinca n bel preparativ a Micky, che aspeta le pal amesa l’area, al pò insciö apogé le pal tla rëi aversara y ti dè ciamò plö tranquillité a sü cumpagns de scuadra.

 

La partida se stlüj jö püch dô sön le 3 a 0 por la scuadra da La Val. Cun chësta devënta resta La Val inant al secundo post de tlassifica cun 22 punć, inant insciö!


La proscima partida por La Val é in dumënia dales 14:30 fora de ćiasa a Prettau cuntra la scuadra dl post.


 


Formaziun titolara: Sepl Kantioler, Elmar Valentin, Alex Alton, Paolo Vallazza, Marco Castlunger, Alex Elzenbaumer, Stefan Sottara, Freddy Sottara, Werner Sottara, Micky Frenes y Emanuel Dorigo


Sostituziuns:


Marco Rossini por Werner Sottara (45ˆ)

Alexander Miribung por Micky Frenes (73ˆ)

Martin Ploner por Elmar Valentin (75ˆ)

Egon Frenes por Alex Elzenbaumer (78ˆ)

 

 



Alenadù: Floriani Claudio

 

Por udëi i resultać de chësta dumënia de campionat drüca: risultati.pdf

Do la devënta de copa, chësc ultim mercui ai 11/09 cuntra le Aicha, é la scuadra da La Val buna de purtè a ćiasa 3 punc importanc. Na partida dër sintida, suradüt por l'alenadù Floriani che à alenè la scuadra dl Niederdorf por 2 agn.

I sogadusc da La Val röia sön le ćiamp cun na gran grinta y bele do da püc menüc tomel le gol dl 1 a 0. Sön n angolo éle Alex E. che ciafa le pal al limit dl' area y cun na bela trata sot la traversa portel la scuadra da La Val in vantaje.

A mëz le prüm tëmp éle Emanuel bun de radopié le resultat, sön n assist de Alexander éle bun de se controlè le pal, cun na gran finta ti sciampel al defensur aversar y cun na trata basa batel le portier.

I atacanć da La Val é bugn de tignì sö le pal y cun de beles combinaziuns esi bugn de ti sciampè plü iadi ala defenjiun aversara, mo sënza ester bugn de ji a conclujiun.

Püch dedo éle ciamò Micky che à na gran ocajiun, sön n bel preparativ röiel te area al dër mumënt, mo le tiro röia de püch sura porta fora.

Dan che le arbiter sciüra le prüm tëmp éle ciamò n atacant dl Niederdorf che abina de cé la stangia de porta sön na trata dal angolo.

Le prüm tëmp se stlüj jö sön le resultat de 2 a 0 por La Val.

Le secundo tëmp mët man cun n gran druch da pert dl Niederdorf, i sogadusc da La Val se stüda ia y se lascia fracé dala scuadra aversara.

Cun de beles aziuns röia la scuadra aversara deplü iadi dan porta y i sogadusc da La Val mëss aretrè y se parè cun dötes les forzes. Cun le gran assedio da pert dl Niederdorf garetl tosc le gol dl 2 a 1.

Sön n lancio éle dui defensurs che ne se capësc nia y röia a saltè adüm sön le pal che vëgn insciö spizoré y ti röia bel avisa al atacant aversar che cun n tiro bas é bun de bat le portier da La Val.

La nervosité crësc y la lucidité da do, i sogadusc mëss purvè a düc i cosć da defëne le resultat. Cun le gran laur de Emanuel che và a recuperè n grüm de pai sciurà demez y tëgn insciö sö le pal por che la scuadra pois se arlungé, ti garetl la dopietta al 82ˆ.

Sön n cross da na pert éle bun de se mët jö le pal de piet y cun na bela trata de ciamp sön le palo lunch siglëiel le resultat dl 3 a 1.

Al mancia ma plü püc menüc ala fin y i sogadusc da La Val stà plö defensiv por defënn le resultat.



Püch dedo él le arbiter che sciüra la fin. La partida se röia sön le resultat de 3 a 1 por La Val.

Cun chisc 3 punc davagnà se porta La Val al 3º post de tlassamënt.

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©