US LA VAL
 
 
     
 

10ª partida campionat 2013/14

Stampa PDF

foto_scuadra

In dumënia ai 03 de Novëmber él gnü sughé la decima partida dl campionat 2013/14 de 3ª categoria por La Val. La partida é gnüda sugada fora de ćiasa a Prettau sot a stletes condiziuns climatiches, cun nëi y plöia.

 

 

 

 

Na dumënia de gr1451507_747719908575409_2000486308_nan importanza y da recordè por la scuadra da La Val. Le tëmp ne ê nia un di mius ite a Prettau, naota âl metü man de pluvëi y dedô éle ince ciamò rové adalerch la nëi, mo chësc ne à nia fermè i grüm de tifosi che è gnüs para a sostegnì la scuadra.

Le resultat de chësta partida ê de gran importanza por la scuadra, che â la poscibilité de balzè al pröm post de tlassfica.

Insciö era ince stada, cun na gran remuntada sön n 2 a 0 de svantaje é i sogadus da La Val bogn de segnè 3 goi y de portè insciö a ćiasa la devënta.

La partida ne mët bëgn no man cis bun por La Val che subësc atira n autogol, sön na puniziun da mezćiamp dla scuadra aversara él le portier y n defensur da La Val che ne se capësc nia y insciö ti röia le pal söl cé al sogadù che deviëia le pal tla rëi.

Dedô é spo La Val che respogn cun na gran grinta, le pal vëgn tignì bun, i defensurs laterai fej gran druch sö por la fascia y i aversars vëgn metüs sot a presciun. Ince sce le ćiamp ne permët nia che düć i pasaji röia a destinaziun, é i sogadus bugn de lascè udëi de beles combinaziuns ruvan plü iadi jö dan porta aversara.

Na bela ocajiun é Alex E. che à, sön n bel pasaje filtrant de Micky éle bun de controlè bun le pal, mo la trata ti röia ados al portier. La scuadra da La Val fej druch inant mo le stlet control dl pal é scialdi fatal, chisc fai vëgn prësc três trasformà te ripartenze da pêrt di aversars. Ala fin dl pröm tëmp tomel spo le gol dl 2 a 0 che ti taia les giames ai sogadus. Sön n inserimënt dala fascia jö é le sogadù aversar che mët n tiro/ cross al zënter, Sepl é bun da le sfioré cun i dëić, mo chësc ne à nia bastè. Le pal toma sön la linea de porta, daulache le atacant pò apogè le pal te porta.

 

Le arbiter sciüra le pröm tëmp, i sogadus pò jì te spogliatoio a se scialdè sön le resultat de 2 a 0.

 

Tl secundo tëmp röia la scuadra da La Val te ćiamp cun na gran determinaziun y crëi tla remuntada. Düt le secundo tëmp vëgn scialdi sughé tl mezćiamp aversar y al vëgn conzedü püch ai atacanć aversars.

Al vëgn ince raforzè l'attacco cun l’inserimënt de n atacant inplü y cun le gran assedio esun tosc bugn de segnè le prüm gol. Sön na trata dal ciantun röia le pal ados al portier, Alexander M., apëna gnü te ćiamp, é bun de spizzé le pal che ti é sciampè fora dles mans, dlungia le palo ite.

Chësc gol ti porta indô speranzes ala scuadra che prô de vigni vers de trà le secundo gol. Döes ocajiun ti gareta dedô a La Val. Öna cun l'indemo Alexander, che vëgn lancè cuntra porta da Marco R., mo la trata röia dlungia porta ia. L'atra é Freddy che ciafa, sön n bel pasaje al limit dl'area tirel na bela trata de pröma, mo chësta röia ince de püch dlungia le palo ia.
A paregé le resultat é spo Marco R. che pënsa, sön na rebatüda da pert dl defensur aversar tl'area se girel cun n gran control y tira n gran bel tiro te porta. La parité è gnüda arjunta y insciö é ince i tifosi che incitëia y motivëia ciamò deplü i sogadus a stlü jö la partida.PrettauI sogadus ò a düć i cosć portè a ciasa la devënta, al vëgn combatü sön vigni pal y la scuadra sta dër alta cun ma plö dui defensurs dô ia.
A püć menüć dala fin vëgn spo iluminé le ćiamp da Prettau cun la dopietta de Alexander M..

Sön na trata dal ciantun é Stefan che abina le pal de cé, chësc vëgn parè dal portier, mo l'atacant da La Val röia atira lassura y piazëia le pal tla rëi. Na gran ligrëza da pert de düta la scuadra por chësc gol che ti fej fà le salt a cé de tlassifica.

Al é bel la secunda partida che La Val remuntëia do ester jüs sot tl prüm tëmp, chësc dà sigü sëgn de gran carater da pêrt de döta la scuadra. Düć pò dè so contribut y in dumënia unse udü la proa, les sostituziuns de Floriani à sënzater portè sü früc.
Na bela data da recordè, la scuadra da La Val é a cé dla tlassifica dl campionat de  3ª categoria 2013/14 !!

 

La proscima y ultima partida de campionat vëgn sugada in domënia ai 10 de Novëmber te ćiasa dales 14.30 cuntra la scuadra da Neustift.
Da recordè che La Val süga ciamò le ritorno de Copa Provinzia, la proscima sabeda ai 16.11 !


Formaziun titolara:

Sepl Kantioler, Elmar Valentin, Alex Alton, Paolo Vallazza, Marco Castlunger, Egon Frenes, Stefan Sottara, Freddy Sottara, Werner Sottara, Alex Elzenbaumer y Micky Frenes.

 

Sostituziuns:

Marco Rossini por Werner Sottara (45ˆ )

Romeo Rubatscher por Egon Frenes (45ˆ )

Alexander Miribung por Paolo Vallazza (72ˆ )

Manuel Stampfer por Marco Rossini (84ˆ )

 



Alenadù: Floriani Claudio

 

 

Por udëi i resultać de chësta dumënia de campionat drüca: risultati.pdf

Do la devënta de copa, chësc ultim mercui ai 11/09 cuntra le Aicha, é la scuadra da La Val buna de purtè a ćiasa 3 punc importanc. Na partida dër sintida, suradüt por l'alenadù Floriani che à alenè la scuadra dl Niederdorf por 2 agn.

I sogadusc da La Val röia sön le ćiamp cun na gran grinta y bele do da püc menüc tomel le gol dl 1 a 0. Sön n angolo éle Alex E. che ciafa le pal al limit dl' area y cun na bela trata sot la traversa portel la scuadra da La Val in vantaje.

A mëz le prüm tëmp éle Emanuel bun de radopié le resultat, sön n assist de Alexander éle bun de se controlè le pal, cun na gran finta ti sciampel al defensur aversar y cun na trata basa batel le portier.

I atacanć da La Val é bugn de tignì sö le pal y cun de beles combinaziuns esi bugn de ti sciampè plü iadi ala defenjiun aversara, mo sënza ester bugn de ji a conclujiun.

Püch dedo éle ciamò Micky che à na gran ocajiun, sön n bel preparativ röiel te area al dër mumënt, mo le tiro röia de püch sura porta fora.

Dan che le arbiter sciüra le prüm tëmp éle ciamò n atacant dl Niederdorf che abina de cé la stangia de porta sön na trata dal angolo.

Le prüm tëmp se stlüj jö sön le resultat de 2 a 0 por La Val.

Le secundo tëmp mët man cun n gran druch da pert dl Niederdorf, i sogadusc da La Val se stüda ia y se lascia fracé dala scuadra aversara.

Cun de beles aziuns röia la scuadra aversara deplü iadi dan porta y i sogadusc da La Val mëss aretrè y se parè cun dötes les forzes. Cun le gran assedio da pert dl Niederdorf garetl tosc le gol dl 2 a 1.

Sön n lancio éle dui defensurs che ne se capësc nia y röia a saltè adüm sön le pal che vëgn insciö spizoré y ti röia bel avisa al atacant aversar che cun n tiro bas é bun de bat le portier da La Val.

La nervosité crësc y la lucidité da do, i sogadusc mëss purvè a düc i cosć da defëne le resultat. Cun le gran laur de Emanuel che và a recuperè n grüm de pai sciurà demez y tëgn insciö sö le pal por che la scuadra pois se arlungé, ti garetl la dopietta al 82ˆ.

Sön n cross da na pert éle bun de se mët jö le pal de piet y cun na bela trata de ciamp sön le palo lunch siglëiel le resultat dl 3 a 1.

Al mancia ma plü püc menüc ala fin y i sogadusc da La Val stà plö defensiv por defënn le resultat.



Püch dedo él le arbiter che sciüra la fin. La partida se röia sön le resultat de 3 a 1 por La Val.

Cun chisc 3 punc davagnà se porta La Val al 3º post de tlassamënt.

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©