La sajun 2013/2014 dla lüsa é daverta. I atleć se arjigna bel por les competiziuns de chësc invern, deplü novitês é sön le program de chësc ann.
Ince sce tratan l'isté ne aldun püch y nia sura le sport dla lüsa, él gnü laurè dassënn por arjigné ca la sajun 2013 - 2014. Cun le nü regolamënt "Agenda dello Sciatore", che raprejentëia dütes les sortes de sport dla federaziun taliana (F.I.S.I.) y che vegn agiornè vigni ann danü él ince novitês y modifiches por la seziun dla lüsa. Por chi che à interesc da se informè plö avisa, pò druché sön chësc link Agenda dello Sciatore 2013/14
N grüm de novitês él chësc ann sön le program dla lüsa, üna de chëstes é sigü la gara de Copa dl monn che gnarà tignida a Olang sön la pista "Panorama" ai 30.01 - 01.02.2014. N'atra tapa importanta é la "Italienmeisterschaft" a Villnöss ai 04-05.01.2014, por udëi le calënder cun les atres gares drüca sön rennkalender_2014.pdf
Da recordè che l' U.S. La Val organisëia n curs de lüsa alta por mituns. Le curs vëgn tignì sön la pista dlaciada Do Juel a Lungiarü. Por informaziuns y prenotaziuns pon cherdè sö Diego cina ai 23/12 al nr. 3202732200.
Por informaziuns plö detagliades sura les gares passades, program y resultać, pon consulté la plata internet de "Südtirol cup" chilò in injunta: plata Südtirol cup
L' Uniun dl Sport da La Val ti aoda düt le bun a nüsc atleć por la nöia sajun 2013/2014 che ëra portes a ćiasa de beles devëntes sciöche chëra dal ann passè.