Torneo te palestra a La Val
L’Uniun Sport La Val à organisé la sabeda ai 28 de dezëmber 2013 n tornê al palê da Nadè por les scuadres joniles dl post U10, U11 y U13 (cun S.Martin) adöm a val’familiar. Al à metü man dales 9 dadoman y jü inant ćina les 7 da sëra.
La pröma categoria che à śoghé é stada chëra dl under 13. Le grup de śogadus é gnü partì sö te trëi scuadres, olache chëstes s’à fat fora la finala. Chësta é gnüda śogada dales 10:20. Les scuadres che à davagné é spo gnüdes premiades.
Dales 14:00 ti ara tochè ai mituns dl under 11. Chisc é inće gnüs partis sö te deplü grups, olache ai à śoghé por la cualificaziun ala finala y inće por le 3. y 4. post.
Dales 15:00 él stè spo i geniturs dl under 11 che à śoghé, olache i mituns a podü aprijé les gran capazitês che ai à.
Dales 16:30 inant ara tochè ai mituns dl under 10. Chilò ésun rovà ala gran y picera finala, olache al é gnü trat dai önesc metri te na picia porta y zënza portier.
Tla fasa finala dl dé él gnü fat n ultimo tornê danter i familiars dl under 10. Chësc é stè dër ri, ajache al é stè dër combatü.
Le dé s’è stlüt jö dales 19:00 con la premiaziun dl under 10 y inće di familiars.
N rengraziamënt vá a Davide Moling che se à fistidié da organisé y tignì l’tornê y a Fabian y Adrian che l’à daidé. N bel giulan và ince ala Cassa Raiffeisen Val Badia che se à dè sciöche tres so sostëgn. N dilan và sambëgn inće ai familiars y ai mituns, che é gnüs a śoghé le tornê y à fat garatè la manifestaziun. - (Fabian Sottara)
U10:
 |
 |
 |
 |
 |
 |
 |
 |
U11:
 |
 |
 |
 |
 |
 |
U13:
 |
 |
 |
|
 |
 |
 |
