US LA VAL
 
 
     
 

2ª gara de "Südtirolcup" a Lungiarü

Stampa PDF

suedtirolcup

In dumënia ai 16 de furà éle gü tignì la secunda gara dla lüsa „Südtirolcup“ sön la pista a Lungiarü. Cun la gara dl'ultim fin dl'edma (LMS a Deutschnofen) y la gara a Lungiarü à i atleć ince albü la poscibilité de se cualifiché ala „Europameisterschaft“ tl'Austria.

 


Sön le program êle preodü che chesta gara gniss tignida a Ulten sön la pista „Moscha“, mo cun les precipitaziuns dles ultimes edmes é i organisadûs stà sforzà a sarè la pista a gauja dl prigo de luvines y spustè l'evënt a Lungiarü, sön la pista „Do Juvel“. I atleć à podü garajè sön na pista preparada ala perfeziun.

Congratulaziuns al duo Erlacher y Tschaffert, che à dominé sön la pista a Lungiarü purtan a La Val 2 buniscimi pröms plazamënć.Tschaffert_Diego_Sportrodeln_16_02_2014_21cd399477

Pro les ëres é rovada Daniela al travert cun le tëmp de 01:36,51, che ti assigurëia le pröm post dan Katharina Pfeifer y la campionëssa dl monn Theresa Hilpold.

Pro i ëi él stè l'atlet Diego Tschaffert che à fat le miù tëmp (01:34,65), dan le vize campiun dl monn Helmuth Stocker dl ASV Pfeffersberg y Matteo Clara dl U.S. Lungiarü.

Da alzè fora él sënzater ince i plazamënć de Rubatscher Manuela, Erlacher Iris y Miribung Carlo, che é rovà al secundo post de söa categoria.

 

Sciöche bele dit denant, é i plazamënć di atleć dles ultimes döes gares stà de importanza por la cualificaziun ala "Europameisterschaft" tl'Austria, che gnarà tignida chesc fin dl'edma dai 21 ai 23 de furà a Winterleiten. In injunta pon ciafè la lista di atlec che é gnüs convoca Europa 2014


N ater bun resultat é le pröm post tla tlassifica generala dles uniuns, daulache la scuadra da La Val é rovada al pröm post. Por assegné chësc plazamënt vëgnel trat la soma di miûs 3, te chësta gara i miûs 5 tëmps di atleć de vigni uniun. La scuadra da La Val à somè le tëmp de 08:03,58 (Diego, Daniela, Armin, Carlo, Iris).

Tla tlassifica di generala di Juniores por soma de tëmps é la scuadra da La Val rovada al 6° post.


Por udëi la tlassifica generala drüca: resultać


Por deplö informaziuns, por ci che reverda resultać, novitês y l program dla lüsa pon vijité la plata internet sot a chësc linch: http://www.suedtirolcup.com

 

 

 

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©