US LA VAL
 
 
     
 

"Europameisterschaften" a Obdach

Stampa PDF

image_2

In sabeda y domënia ai 22 – 23 de furà éle gnü tignì la 11ª ediziun dla Europameisterschaft tl’Austria, plö avisa a Obdach. Dô i campionać dl monn a Valdaora se à indô incuntè i atleć a livel internazional, in chësc iade por le titul europeich.

 

 

 

 

 

Chësta competiziun é dessigü stada na ocajiun por se mosorè danü cun i atleć dl'Austria, che à dominé sön la pista "Panorama" a Valdaora, in ocajiun di campionać dl monn tignis l'ultim fin dl'edma de jenà.

Tl dopl éle stè in chësc iade i dui atleć da Sterzing. Floria Schölzhorn y Dominik Kienzner che à podü festejé le titul europeich, cun le vantaje de 24 centejimi sön i campiuns mondiai austriacs Ehammer y Gastl che é rovà alpic_1780917 terzo post.

Tla categoria di ëi ê la sabda Roman Kaser da Lüsen che à dominé cun 4 centejimi dan le favorit campiun dl monn austriach Andreas Ehammer. Tla finala dla domënia spo à msü Kaser ti lascè le pröm post a Ehammer do avëi cometü n  fal che ti à costè 8 centejimi.


A chësta competiziun éle ince stè i atleć da La Val che à partezipé. Prò i ëi éle stè Rubatscher Florian che é ruvé al 35ejim post (2:50,86), Miribung Carlo al 48ejim post (02:52,37) y Forer Armin al 61ejim post (02:54,26).

Pro les ëres à arjunt l’atleta Erlacher Daniela le bun 5 post cun le tëmp de 02:53,35, daulache l’austriaca Lea Geiger è gnüda incoronada campionëssa dl’Europa cun le tëmp de 02:50,56.


Da alzè fora é le buniscimo 6° post de Clara Matteo da Lungiarü cun le medemo tëmp de Unterladstätter Johann (SV Gallzein) de 02:47,16.

 

Por udëi la tlassifica generala drüca: resultać


 

 

 

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©