US LA VAL
 
 
     
 

3ª y ultima gara dl Südtirolcup 2014: Finala a Latsch

Stampa PDF

Gruber_c_-Diego-Tschaffert

In domënia ai 02 de furà él gnü tignì la terza y ultima gara dl Südtirolcup 2014 a Latsch. I dui alteć dl U.S. La Val Diego y Daniela röia a cé dla tlassifica generala y davagna insciö chësta ediziun dl Südtirolcup.

 

 

 


Tschaffert Diego y Daniela Erlacher ne é nia jüs da bat. Diego davagna por le cuarto iade indolater le „Südtirolcup 2013/2014“ cun la soma de 285 punć dla tlassifica generala dan l'atlet Stockner Helmuth (ASV Stockner_Tschaffert_Kaser_Gesamt_Suedtirolcup_Sportrodeln_02_03_2014Pfeffersberg, punć 240) y le jonn atlet da Lüsen Kaser Roman (punć 210), che à tla gara finala stiché de püch Diego y à insciö portè a ciasa la devënta. Cun chësc pröm post y l'atribuziun de 100 punć ne é Kaser impone stè bun da arjunje Diego.

Le trio che é rové sön podest in chësc ann à val de particular, la desfarënzia d'eté che i 3 atlec à. Diego (1980) é 10 agn plö jonn co Helmuth y al medemo tëmp 17 agn plö vedl che le talënt da Lüsen Roman Kaser. (1997).

Daniela pò festejè söa secunda devënta pro le Südtirolcup 2013/14 y sò pröm plazamënt dla tlassifica generala cun 270 punć dan la campionëssa dl monn Theresa Hilpold y l'atleta Kaser Martina da Lüsen.


Miribung Carlo à stlüt jö la finala al 2º post te söa categoria y se plazëia insciö al bun secundo post dla tlassifica generala Master B (1959 – 1968). Tavella Robert se posizionëia al 4º post dla categoria Master B1 (1958y plö vedli).


I alteć dla scuadra da La Val Florian Rubatscher y Forer Armin röia al 8º y 10º post.

Erlacher Iris röia al terzo post dla tlassfica de söa categoria y Manuela Rubatscher al 2º post.

Hilpold_Erlacher_Kaser_Gesamt_Suedtirolcup_Sportrodeln_02_03_2014

Tla tlassifica a scuadres röia in chësc ann l'U.S. La Val al secundo post dô le ASV Pfeffersberg .


Dessot pon ciafè i resultac dla finala a Latsch:

Latsch Doppelsitzer

Latsch Mannschaft Jugend

Latsch Kategorien

carlo

Latsch Mannschaft

Gesamtwertund Südtirolcup 2014

 

 

 

 


Düc i atri resultać dl Südtirolcup 2013/2014 y dles atres competiziuns de chësc ann pon ciafè ala plata : www.südtirolcup.com

Cun chësta finala ne se stlüj nia ma jö le Südtirolcup 2013/14 mo ince la sajun dla lösa alta. In chësc ann él dessigü stè na sajun dër intensiva por i atleć da La Val, mo l'impëgn é gnü premié cun de bugn resultać che é gnüs portà a ciasa.


La Uniun dl Sport uress se congratulé daimprüma cun düc i atleć dla scuadra che desmostra na gran devoziun al' ativité y che arjunj cun continuité de beles sodisfaziuns. N gran giulan ti va dal' atra pêrt ai organisadûs y ai acompagnadûs dla seziun, che cun sò gran laûr y sostëgn dà dessigü n gran contribut a tignì alâlt le sport dla lüsa a La Val.

 

 

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©