US LA VAL
 
 
     
 

Andata 3º turno de Copa Provinzia – Cuarti de finala

Stampa PDF

copa2012

In sabeda ai 08 de merz éle gnü sughé l'andata di cuarti de finala de Copa Provinzia por la scuadra de 3ª categoria da La Val. Dô avëi batü le Aicha ai otavi, à La Val podü se mosorè cun la scuadra dl Niederdorf fora de ćiasa, in chësc iade sön le ćiamp dl Gsies a gauja dl ćiamp da Niederdorf ćiamò nuvü ite.

 

 

Les partides ofiziales por la scuadra de 3ª categoria da La Val à indô metü man. Cun i pröms de furà à la preparaziun metü man y sciöche pröma partida sön le program ê chëra di cuarti de finala de Copa Provinzia cuntra le Niederdorf.

Cun les tröpes assënzes y infortuni à la scuadra messè se prejentè sön le ćiamp da Gsies cun n numer de sogadus dër bâs, cun Adrian Miribung te porta, do che Sepl K. à subì n infortunio tartan n alenamënt ia por l'edma.Bele tles partides passades à La Val messè affrontè partides cun püć sogadus, mo an à udü plö iadi tan che le grup à tignì adüm y à portè a ćiasa de bugn resultać. Ince in chësc iade à le grup fat parüda y à insciö portè a ciasa na bela devënta, le resultat é stè de 2 a 1.

La partida à metü man dër bun por La Val, i sogadus é posizionà bun sön le ćiamp y al é gnü conzedü nia tröp ai aversars. La scuadra de Floriani é buna de se alzè y de ruvé ince dan porta a trà. Un en iade sön na trata dal ćiantun, daulache Stefan tira na trata al jore sön n pasaje de Miky, mo chësta vëgn deviada da n defensur aversar, l'ater iade é Marco che vëgn lancè da na pêrt jö y va ala contlujiun cun na gran trata, mo chësta röia ince de püch dlungia la stangia de porta ia. Adrian ne à nia albü dër n gran laûr dl pröm tëmp, le bun laûr dla defenjiun ne à nia lascè trà i aversars dal limit dl'area. Da alzè fora é ince na ocajiun de Alexander M., che sön n cross de Miky é stè bun cun n bel stach da abiné le pal de cé y le indirizé cuntra le ciantun alt de porta. Sön chësc pal bel piazè é le portier bun dal devié ciamò da na pêrt fora.


Püch dô é le arbiter che sciüra le pröm tëmp y les scuadres pò palsè sön le resultat de 0 a 0.


Le secundo temp mët spo man cun le druch da pêrt dl Niederdorf, i sogadus da La Val mëss ince ciarè de ne ruvé nia la partida in 10 y porchël é Alex che damana ciamò plö conzentraziun da pêrt di sogadus. Al ne passa nia tröp tëmp che le arbiter sciüra n önescmetri por Niederdorf. Sön n bel lancio da mezćiamp röia n atacant sön porta, dui defensurs da La Val röia adöm lassura y le arbiter ne pënsa dô dui iadi a mustrè sön le punt di önescmetri, chësc vëgn trasformè dal atacant aversar. La scincunda ti vëgn spo ci fata a La Val, atira dedô suzedl prësc le medemo tl'area aversara, Miky vegn metü jö da 2 defensurs aversars y insciö fej l' arbiter jì i cunć a parité.

Miky se prejënta dan le portier y cun na bela trata dlungia la stangia ite portel le resultat a parité. Do le gol dl 1 a 1 é atira i aversars che se lascia sö pro l'arbiter, naota por le önescmetri che ne foss nia stè y ciamò por n önescmetri nia conzedü sön na entrata sön l capitan da Niederdorf da pêrt de n defensur da La Val, sozedü denant.Cun la parité ciafa i sogadus da La Val indo coraje y bel atira él Miky che vëgn lancè cuntra porta mo le portier é plö asvelt y abina insciö denant le pal. Al ne passa nia tröp tëmp che al vëgn indo delizié cun n pasaje de Martin Ploner, in chësc iade éle bun de tra le pal sön le palo lunch e porta La Val in vantaje. Le resultat de 2 a 1 ti dà indo ai sogadus na gran forza inplö. Ti proscimi menüć ne éle da trames pêrts degüna ocajiun da alzè fora.

Le arbiter sciüra la fin y por i sogadus da La Val é chësta devënta na gran sodesfaziun. Le resultat portè à ćiasa é de gran importanza por la partida de ritorno.

Proscima sabeda ai 15 de merz vëgnl sughé le ritorno a La Val, daulache La Val arà l'ocajiun de passè ala semifinala de Copa Provinzia.

 

In chësc ann é l'organisaziun dles finali de Copa Provinzia gnüda assegnada al SSV

ahrntal2ahrntal1Ahrntal, che gnarà plö avisa tignides le fin dl'edma 7 y 8 de jügn.

 

 

 

 

 

Formaziun titolara: Adrian Miribung, Werner Sottara, Paolo Vallazza, Alex Alton, Egon Frenes, Martin Ploner, Stefan Sottara, Felix Nagler, Marco Castlunger, Miky Frenes y Alexander Miribung

Alenadù: Floriani Claudio


I resultać dl'andata di cuarti dles atres scuadres:

 

Laghetti - Fortezza : 3 - 4

Gais - Ritten : 2 - 1

Triangolare Corces,Morter,Postal:  Corces - Morter : 1 - 0

 

 


 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©