US LA VAL
 
 
     
 

Ritorno 3º turno de Copa Provinzia – Cuarti de finala

Stampa PDF

copa2012

In sabda ai 15 de merz él gnü sughé le ritorno di cuarti de finala de Copa provinzia cuntra la scuadra dl Niederdorf te ćiasa a La Val, che é gnüda batüda al' andata por 2 a 1 da La Val.

La scuadra da La Val se cualfichëia ala semifinala cun le medemo resultat sciöche al andata. Ince sce la prestaziun dla scuadra ne é nia stada tan buna co l'ultima sabda, pó i sogadus se confortè a se mosorße tla semifinala cuntra le Ritten, che à albü la miù sön le Goas.

 

A mët man dla partida atira é i sogadus da la val che gestësc bun le jüch, la posiziun vëgn tignida y le pal vëgn tigní tl mezćiamp aversar. Bel plan é spo ince le Niederdorf che se fej prigorus y a mez le pröm temp tomel le 1 a 0 por la scuadra aversara. Sön na puniziun al limit tl'area vëgn le pal archité sö dal mür, mo chësc ti röia indô zeruch sön le pé al atacant che tira insciö sön le palo bâs dla porta y porta söa scuadra in vantaje.
A purtè le resultat in parité é spo Dorigo cun n önescmetri che pënsa. La gauja é stada dl portier aversar che à gaujé n fal sön Alexander M.. Dan le sciüre dl pröm tëmp é ciamo Alexander che à albü n ocajiun, sön n assist de Marco röiel sù dan porta mo la trata röia dlungia porta ia.



Le pröm tëmp se stlüj jö sön le resultat de 1-1



I sogadûs da La Val se stënta da sughé le pal y a mezćiamp vëgn i pai de cé scialdi abinà dai aversars.
Mo impó éle de beles aziuns che garêta, i sogadus da La Val mëss a vigni moda chirí le gol de vantaje por se assiguré la pasaje dl turno.
Tl area aversara é Miky che vëgn metü a tera da n defensur y le arbiter sciüra atira le önescmetri, in chësc iade é l'indemo Micky che bat le portier. Le Niederdorf ne à nia tröp da pêrd y raforzëia sëgn l'atach y devënta prigorusc. Le portier Adrian dà ince sò contribut cun de beles parades y ti dà sigurëza ala scuadra. Dan che la partida röia é ciamò Dorigo che ciafa n bel pal rebatü dal portier sön l'area di 5 metri, mo la bela trata vëgn architada sö.

Cun chësta devënta se assigurëia La Val le pasaje dl turno. La semifinala cuntra le Ritten  gnarà sugada ai 23 de aurì y le ritorno ai 7 de mà.
In dumënia mët man le campionat de 3
ª categoria cuntra le Sexten a La Val, daulache la scuadra mëss defënn le pröm post dla tlassifica.

I resultać dles atres partides de Copa : resultać

IMG_48781

 

IMG_48791IMG_48801

 

Formaziun titolara: Adrian Miribung, Werner Sottara, Paolo Vallazza, Alex Alton, Egon Frenes, Martin Ploner, Stefan Sottara, Felix Nagler, Marco Castlunger, Miky Frenes y Alexander Miribung

Sostituziuns:

Miky Frenes por Egon Frenes (45ejim)


Alenadù: Floriani Claudio

 

 

 


 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©