Valentina Tolpeit pröma al Nightcup 2014
Schi - L'atleta da La Val Valentina Tolpeit davagna le "Nightcup 2014" te söa categoria, la seria de 5 gares che vëgn tignides sön les pistes iluminades de deplö localitês.
Les 5 gares de chësta competiziun é gnüdes tignides sön la pista Cianross de Plan de Corones, a Gsies sön la pista Berglift, a Reischach sön la pista Korer, a Taisten sön la pista Guggenberg y sciöche ultima sön la pista "Panorama" a Terenten, che à cuntè sciöche finala. Valentina à partezipé a cater dles cinch gares, mo i bugn plazamënć (3 iadi pröma y 1 n iad terza) y la soma di punć ti à assiguré le scalin plö alt sön podest. Indüt à l'atleta arjunt la soma de 360 punć dan Mutschlechner Anna dl ASV Bruneck che à totalisé 352 punć.
La picera atleta dl U.S. La Val garejëia ince pro i campionać di mituns VSS, daulache ara à arjunt le 6° plazamënt a Gsies y le 8° post ite a Antholz. Te chësc ultim fin dl'edma dai 22 ai 23 de furà éle gnü tignì la "Coppa Cuccioli" a Sulden daulache Valentina é rovada sön podest al terzo post cun le tëmp de 57.06 dô l'atleta Peer Jasmin (56.32) che é rovada pröma.
Deplö informaziuns sura les gares y tlassifiches pon ciafè sot ala plata internet dla F.I.S.I - Landeswintersportverband
L' Uniun dl Sport da La Val ti fej i complimënć por la bela devënta y ti augüra düt l bun por les ultimes gares dla sajun!
I resultać dles gares dl "Nightcup 2014" pon ciafè ti PDF injuntè:
11.01.2014 - Kronplatz (Cianross)
25.01.2014 - Reischach (Korer)
14.02.2014 - Taisten (Guggenberg)
15.02.2014 - Terenten (Panorama)
Tlassifica finala do les 5 gares
